首先問下大家知唔知加拿大首都係邊度呀？唔好話我知係多倫多，我會笑你嘅: ) 係渥太華呀老友！ 唔知點解渥太華雖然係加拿大首都，但就係好似唔太出名 . Anyway, 我 J. Leung 寫呢篇文章就係要令到大家下次去加拿大旅遊嘅時候，一定會預埋去渥太華! 然後當你地真係去完渥太華之後，會諗返我 J. Leung 嘅推介係無錯嘅！ 講左咁多，你會問，點解要去渥太華先? 一句講晒，呢度好玩+靚景！ 講到渥太華，唔可以唔提嘅，一定就係Rideau Canal！一定要去！夏天佢係一條河- 你地唔好以為我講呢句野好廢！因為佢只會喺夏天係一條河! 冬天，佢搖身一變，就變成左全世界最大嘅溜冰場喇！ 如果我唔係經歷左渥太華嘅冬天同埋夏天，我都唔信成條河可以結成冰，真厲害! 我知你地一定好想問我，呢條Rideau canal 又可以點玩法! 夏天嘅時候，一定係喺呢度享受下陽光，欣賞下美景，同埋影下靚相啦！當然夏天都會落雨，下面呢張就係小弟為可愛的Rideau Canal 拍下來的美照，呢個就係佢雨天時候可愛的樣子：） 冬天當然就喺呢度溜冰啦！唔講唔知，佢係全世界最大嘅溜冰場，你睇大家滑冰滑得幾開心：）佢冬天嘅樣係唔錯嘅 夜晚喺到滑冰都幾有氣氛: ) 其實小弟都有喺Rideau Canal 滑過冰，好有型嘅！呢度要宣傳一下，如果想欣賞我當日滑冰嘅風姿，可以去我 IG: hktravelmanjl 睇， 當然follow埋就最好啦! 我會喺IG為大家介紹更多加拿大好玩嘅地方！ 講返先，話明去到加拿大首都，唔係唔去國會山呀嘛？而今次我為大家拍下國會山嘅夏天，冬天，白天同埋晚上嘅沙龍！美嗎？壯觀嗎？ 而喺附近嘅Major Hill Park睇上去嘅國會山又有另一番風味：) 講開Major Hill Park（題外話，中文翻譯成將軍丘公園，係幾有霸氣 :） 我啱啱喺五月份去左Major Hill Park呢度走走，正好鬱金香開花：）係幾靚嘅! 不過果日我自己一條友 XD 相，我只係求其影左幾張，唔好見怪 XD 認真影係可以影得幾靚嘅, 應該 :) 講到呢度, 我先賣個關子，渥太華其實仲有好多其他好玩野, 但我就剩係講住咁多先 :) 記住留意我下次出文啦! 最後，我想講多個點解你要去渥太華玩嘅原因 老實講，如果去加拿大剩係去渥太華玩當然唔抵！我話嘅! 但如果你係去多倫多嘅話，玩完多倫多之後再玩渥太華，又何樂而不為呢？ 由多倫多union station 搭火車去渥太華只須四個幾小時。幫大家查左，如果早一個月預定車票, 只需大約 40-50加幣，加稅後大約45-55加幣. 如果唔搭火車，搭greyhound bus，會再平一d。 火車旅訂票: www.viarail.ca/en 旅遊巴訂票: www.greyhound.ca 如果你都係覺得貴同埋浪費時間，我會話你搭咁貴同咁長途嘅飛機黎加拿大，如果你剩係去多倫多而唔去多個城市玩玩，我覺得反而唔抵 今次真係最後，講埋呢度唔講喇! 之後日子我會繼續為大家介紹更多有關加拿大唔同城市唔同地方嘅旅遊資訊！當然我會繼續講下渥太華! 因為佢仲有好多好玩嘅地方嘅：） 都係果句，想睇更多加拿大好玩野，可以follow我 IG: hktravelmanjl https://www.instagram.com/hktravelmanjl 同埋可以繼續睇我喺 U Blog發嘅文! 期待我下次出post吧!
