初初到韓國既時侯有樣野好唔慣，就係垃圾要分類! (曾經亂咁用膠袋入住dum出街以為無人知...點知有cctv....比人貼告示話垃圾分類要做好，否則要罰$$$$=__________=) 係香港係dum垃圾之前完全無諗咁多， 廚餘?鋁罐?理得佢係膠定鐵...總之一野dum落垃圾筒.... 係韓國生活就唔得喇....樣樣都要分，廚餘歸廚餘，大致再分一般垃圾同可循環物料，然後再繼續細分，垃圾分完唔好諗住是但用膠袋掉出街呀.....要用指定區域既垃圾袋，去返住果區既超市/便利店就買到了~~ 白色果隻係家用裝一般垃圾，綠色係裝廚餘既~(大概hkd15 十個，有分幾個size:5l 10l 20l 50l...) 呢個係我屋企樓下個垃圾分類處，一共分左9類 我好佩服負責處理垃圾既大叔(呀側c)，成個垃圾房都好企理，辛苦你了! 住左係韓國呢段時間其中一樣習慣改變好大，就係DUM垃圾前都會諗一諗分咩類，啤酒樽牛奶盒飲完都會沖一沖再掉去分類垃圾筒，雖然係小小既習慣，但當個個人都做既話就會make a big difference!!!環保係需要大家一齊一點一滴做好體現出黎:) 另外你係韓國掉大型垃圾(傢俬等)係要比錢的!掉之前要打去所屬區廳拎個code再貼係件傢俬上面，然後再拎去規定既地方先可完成棄置。 個人認為咁樣雖然係會有d唔方便，但係會令人掉垃圾之前三思~~~~~ KR 1:28
