講到係韓國居住過的地方真係幾多下，一年左右一共搬過4次屋， 剛到步既時候住左一個月*1 ONEROOM 回基회기(外語大學附近)當時同呢邊既朋友合租， 保證金 hkd5400 ~ 月租 hkd5500 : 2人分攤(不包水電煤) 由於係短期租約，所以月租同保證金相對都貴D 一個月之後因為朋友要返香港，所以退租，而我就一條友搬左去梨大이대附近既考試院(平丫ma!),距離梨花女子大學後門兩分鐘咋勁近，好多韓國女學生住因為夠近，方便佢地閉關準備考試 月租 hkd2000 左右--水電煤管理費wifi全包(係咪勁平呢?) 另有common room內有電腦電視提供， 共用廁所浴室及廚房(無限kimchi白飯提供,有D考試院仲會免費提供辛辣麵,雞蛋tim) 下?共用廁所浴室? 放心我專登搵全女而且幾新淨既考試院， 之但係我既私人空間係一間無窗極細既房...一打開門右手面係一張單人床，左手面係一張書枱， that's all 無窗既房係會平百零蚊一個月左右，但唔係我連呢小小錢都慳....係因為當時有窗既房已經full晒.......同埋因為呢間多學生為左閉關準備考試而住呢度，所以要保持安靜，我試過係自己房偷偷地講左幾句電話,結果有人攝張紙仔入我房,叫我靜d>< 一住就住左三個月，之後終於頂唔順要搬走 **當初住考試院係因為係呢邊無人無物，錢又無，唯有搵到工草到錢先搬大d 期後搵到份工作:化妝品免稅店，有穩定收入，同時決定會係韓國生活多一段時間，所以就正正經經租間oneroom住， *1 oneroom即係2百零呎到既屋，獨立廁所，基本傢俱(有d無嫁)，open kitchen，包wifi同水，電同瓦斯(gas?)唔包，冬天天寒地凍時我開地熱，瓦斯費一個月hkd 200左右 於是又一個人搬到安岩안암(高麗大學附近):反工方便，加上同事住附近 保證金 ~hkd15000 月租hkd3600 (需簽一年，如果住唔夠一年提前走，需要自行搵新住客再簽新約一年/同房東簽約時deal)而我剛在6月時都搵左新租客提前走左 咁就安安樂樂住左8個幾月.... 到宜家其實已經quit左份工，上個月搬左去日山일산，(智孝都住呢頭haha)， 唔係首爾，但好近,搭巴士只需50分鍾左右到弘大 因為oppa住呢邊，所以我就搬左過黎，租officetel，比安岩間屋大一倍 保證金hkd65000左右 月租hkd5000 管理費水電瓦斯另計 日山空氣好又無首爾咁迫，唔少韓國人要出首爾反工都會選擇係度住，咩都有..環境好好~ 日山呢邊有大型湖水公園,水族館,水上樂園,一年4季都開既snow park,MBC(成日都見到有人拍野),商場,美食等等......下回介紹,去韓國既話,不坊編一日行程過黎玩 KR 1:59 我住在日山
