西營盤海濱公園開放喇！🤩 呢個全新海濱空間連接中山紀念公園與西區副食品批發市場對出嘅海濱，今日率先開放多項設施，既有觀景台又有遊樂設施，集休閒、玩樂與景觀於一身，為大家帶來臨海新體驗~ 呢度有好多兒童遊樂設施，包括動感氹氹轉及搖擺鞦韆，更設有維港海濱首個雲朵形狀戶外充氣遊樂設施「片片雲海」☁️🥳！ 「片片雲海」有咩特別？👇✅海濱首設：維港海濱第一個大型戶外充氣遊樂設施，可供彈跳，並設有三個高度，照顧唔同年紀嘅小朋友！🌅✅安心玩樂：設施具防滑及緩衝特性，並配備融入座椅設計嘅防撞軟墊🌟✅即場看管：現場工作人員實時監察同指導，保障安全👍🏻✅人流安排：每節約10分鐘，最多可同時容納20位小朋友盡情放電 (如有需要，現場工作人員會適當調整）🙌🏻 呢個海濱公園佔地約1.32公頃，必定會成為親子同樂、欣賞維港美景嘅新聚腳點，場內其他設施亦會陸續開放，為市民同遊客帶來更豐富嘅海濱休閒選擇！😍 🌟 「片片雲海」開放詳情 🌟📅 開放日期：2025年12月31日起⏰ 開放時間：▫️ 平日（一至五）：11:00-20:00▫️ 周末及公眾假期：10:00-21:00📍 地點：西營盤海濱公園（連接中山紀念公園；港鐵西營盤站B2出口步行約15分鐘）👧🏻 適合對象：3-14歲兒童及青少年（須由18歲或以上成人或監護人全程陪同）🌟安全小貼士：記得聽從現場工作人員指示～人多嘅時候要排下隊輪流玩；遇上天氣唔穩定或設施保養，開放時間可能會改動，敬請留意！
