泰妹雖然唔講得上係美豔，但喺小弟心目中，佢對某啲事情嘅執著，就好比蘊打烏文一樣，正得嚟帶有一絲MAN嘅味道！💪 話說某年就到聖誕，舖頭都要整色整水，小弟一直多口提住：「唔好搞咁大壇野啦...唔好...唔好...」今次泰妹無問我太多意見，由買料到裝飾都一手包辦！而小弟本人，就第一次抽離，從第三者覺度去感受間舖，感受佢。🎄🎁 無可否認，泰妹搞完一場大龍鳳之後，舖頭係幾有氣氛嘅，至少成條街得我哋會咁做，順便幫條街裝飾埋，哈哈，感覺幾偉大！今次都不禁喺心裡面為泰妹鼓掌👏🤔咁我呢？小弟突然好奇一想，究竟响泰妹心目中，我又有無曾幾何時MAN過呢？於是忍唔住咗問佢。🤷🏻泰妹:〖泰〗「米咪卡～」/〖粵〗沒有~🙎🏻♂香港仔:〖泰〗「實！」/〖粵〗頂! 泰妹即場笑到飛天。頂！又畀咗位佢入添😤。泰妹玩野啫！佢話印象中，小弟我都有試過MAN嘅⋯⋯🤩機會嚟喇飛雲！最深印象係我哋第二次約會，當時韓國係滿天飛雪，負十幾度，我哋從暖笠笠嘅Coffee shop走出大街，佢即時凍到反眼👀，行路行到成隻企鵝咁🐧 要知道泰國人真係堅怕凍，喺泰國低過正十度都曾經凍死人，可想而知泰妹真係變咗「泰式雪條🤧」。正當準備過馬路，眼見佢凍到成身震晒，香港仔明知故問：「넌 추워?」 /〖粵〗凍嗎？🤷🏻泰妹迷迷糊糊咁答：〖韓〗「응~_~」 /〖粵〗嗯~_~🙎🏻♂香港仔理直氣壯話：〖韓〗「손 줘!」/〖粵〗攞隻手嚟啦！ 就係咁，世紀一拖，香港仔不但拖住泰妹過咗一條5秒鐘過完嘅馬路，仲拖咗佢埋嚟我個世界嗰到，嘿嘿～ 從此，香港仔的世界不再一樣⋯⋯ 🚦👦🏻🇭🇰🤝🏻🇹🇭👩🏻🚏#要多謝冰天雪地#世紀一拖條橋好L老土但最緊要受#記得追蹤贊好#歡迎分享轉貼#人在泰香港仔日記————————更多人在泰生活趣文：即入facebook搜尋「人在泰香港仔日記」或「hkguy.inthai」
