喱張相對小弟嚟講,意義老蓮咁大,**世紀一拖之後,考驗先正式開始,皆因仲未過「互·試用期」...😢唉~互乜鬼野試用期吖,講真我實無問題㗎,問題係泰妹唔想公開住啫,尤其班同學仔,同埋身處老遠嘅泰爸,所以我哋fb遲遲都無轉status,又無一張合照放出嚟,仲差啲講分手添呀~ 我明泰妹點諗嘅,怕外國男仔玩玩下,加上各自留韓簽證得返2、3個月貨仔,段關係建基喺巨大不安感上。好彩,我用行動話佢知,乜野叫正確嘅決定!當時,差2日就凍到得返零下10度,泰妹面對變成泰式雪條🍦嘅浩劫,仍然左諗右諗:「如果買件褸,幾個月後拎返泰國又無用,而且⋯⋯」正當佢自言自語,老夫雙手搭實佢紙咁薄嘅膊頭,用最誠懇有力嘅眼神同佢講:「우리pinn呀,您要知道,最重要唔係幾個月之後點,係你點樣過好呢幾個月呀,傻女女女⋯바보야👧」 佢當頭棒喝,同時佢明白到,老夫唔係單單講緊件衫,而係明示我𠵱段有限期的約定。就係咁,我捉佢去買咗件厚褸,仲影咗屬於香港仔同泰妹嘅第一張合照添呀!YEAHHH대박~!至於我那個「被·試用期」嘅身份點?當然係即日解封啦,嘿嘿😁**世紀一拖,請看下回分解🙏—————————————更多人在泰生活趣文:即入facebook搜尋「人在泰香港仔日記」或「hkguy.inthai」