想試呢間餐廳好耐,前兩日要去開奧運站附近,就預早訂左位黎食呢間。可惜逢星期五六日晚先會有現場表演睇,星期四係冇嘅。不過呢到嘅氣氛真係好好,就算冇現場表演,呢到播嘅音樂都可以令人好沉醉喺音樂同美食嘅世界入面。嗰一刻我覺得,原來食野除左味道之外,氣氛都可以咁重要。🐮Beef Wellington $788呢個係2人份量,要早半日預訂。伴有Bearnaise Sauce, Fresh Parsley, Mixed Extra Virgin Olive Oil & Balsamic Vinegar. 酥皮下嘅鵝肝同野菌味道濃郁,牛柳焗完都唔會太鞋。伴碟有烤番薯同沙律菜等等。沙律菜下有sour cream,幾啱我口味。🐟Butter and Dill Pan Seared Australia Ocean Barramundi Fillet with Pancetta and Greens in Tropical Salsa $248魚柳煎完之後味道比較濃。配菜有煙肉、菇、青豆、芒果等等,都幾清新,同濃味嘅魚柳配搭幾夾。擺盤好靚,特別係魚柳上面嗰塊果乾。🐷Montellano 36 Months Bellota Iberico Ham with Brie Cheese in Honey, Organic Cherry Tomatoes and Rainbow Olives Platter $328呢個唔算平但鍾意食Iberico Ham嘅我都係叫左。Ham嘅份量唔少,放入口嗰種甘香、油香同果仁香嘅味道,真係點食都唔會厭。Ham同Brie Cheese都係比較濃味嘅食物,食完再食啖哈密瓜,個口即刻充滿清新嘅味道,確係絕配。🍗Egyptian Bon Bon Chicken Wings in Chiang Mai Chilli Sauce +$98原價$148,跟餐加配就只需$98。棒棒雞有六隻,調味得好好,炸皮薄,外面香脆而內裏嫩滑,就算唔點醬都好好食。點埋清邁辣醬又係另一番風味。🥣Daily Soup $0Dinner set包左一碗餐湯,今次嘅餐湯係煙肉忌廉薯仔湯,會飲到唔少薯仔蓉。🥤Orange Juice $0Dinner set包一杯冇酒精飲品,我揀咗橙汁。🍰Today’s Pastry $88係Basque Burnt Cheesecake,隔離有啲士多啤梨朱古力脆,幾特別。配埋士多啤梨同藍莓,為呢餐作一個完美嘅結束。真係想搵次星期五六日晚黎,感受下現場表演嘅氣氛。LOST STARS LIVEHOUSE BAR & EATERY (大角咀)大角咀利得街11號利奥坊一期地下506號舖點擊圖片放大