我老公雖然係韓國人, 但係佢唔係大男人, 又唔傳統 但我99 係好傳統既, 如果唔係米已成炊,佢應該接受唔到佢個仔個老婆唔係韓國人! 我同佢用左好耐時間去磨合...雖然到而家都唔可以叫完美, 但最少我個泡菜老公夾係我地中間都無之前咁辛苦 問心, 我并無可能做到傳統韓國新抱佢地所做既野 佢地其實好勁, 可以一早起身準備早餐比屋企人, 佢地既早餐習慣係要食飯同飲湯,我自問由細到, 一個麵包就搞掂 但佢地會覺得咁樣係會唔夠營養同飽 我唔煮早餐 99 已經不悅, 何況我連食都唔食 呢個問題我老公同99解釋左1個月佢先慢慢明白 韓國傳統男人係唔可以去廚房.... 係呢度男人煮飯洗碗係大忌 我同泡菜不嬲都男女平等,邊個得閒就邊個洗碗 而家平時係屋企, 我都會洗碗, 但如果我趕時間要化妝出門, 我就會叫泡菜洗,99 見到就會過去搶返黎洗(我洗個時又唔見佢咁做=.=) 韓國女人會係老公返屋企既時候準備好野食, 酒, 野飲......既一切 但我係唔會咁做, 因為我覺得咁大個人, 佢有需要食既話會同我講, 我會準備比佢.... 但我99會覺得我係懶... 其實我係泡菜老婆, 唔係佢工人..... 仲有好多好多生活既小事, 對我99黎講, 我絕對係一個唔合格既新抱~~~~