15/3/2019 遲黎的白色情人節晚餐 無花無燭光晚餐.... 只係去左一間唔浪漫既餐廳食蟹 好大隻蟹呀呀呀呀呀 又長又粗既蟹腳,仲粗過平時係街時買既蟹柳 用蟹肉同蟹膏炒既炒飯 真心覺得好食,不枉我地去金浦個邊食(唔塞車都要1 個鐘) 其實我同泡菜都係好鐘意即興既人... 同呢種人一齊永遠今日唔知聽日要做咩(今日唔知聽日事) 因為對我地黎講, 計劃并不一定趕得上變化,我地由相識到一齊只係用左幾個鐘既時間, 由一齊到同居用左一日既時間,同居到決定結婚只係用左3 個月時間 我可以好肯定咁同每一個人講, 我地結婚個時我同佢跟本唔了解同愛到覺得要結婚既程度..就係因為我地無計劃,所以先可以一齊咁耐 我地唔係咩驚天動地既愛情故事,只係不停咁從生活中學習同對方之相處 16/03/2019 財散人安落日 星期六我一起身,先發現我D 化妝品已經到期同埋用到見底, 因為好多化妝品由開左之後開始計, 都係得一年有效期,係時候去買返D 新野黎用, 如果唔係可能會令到皮膚敏感,咁就手尾長啦..... 左邊個圖案就係開左蓋之後既有限期 用到見底 其實真係好低 之前不論化妝品定護膚品一直用開專櫃品牌既我, 黎到韓國當然要入鄉隨俗用返佢地既LOCAL 野啦, 好唔好用我暫時未知, 等我過幾日試完就可以分享下 行完街返到屋企, 泡菜奶奶望住我既眼神, 令我不禁打左個冷陣..... 咁我就係我既戰利品中抽D出黎同開心SHARE .... 佢口就話唔要唔要, 但我知佢一定好想要!!! 佢就係個種心口不一既人...真係要搵日打一篇韓國奶奶大戰港女新抱-_- 17/03/2019 朋友聚會日 通常星期日我都會跟泡菜去同佢朋友聚會,呢個星期日我地去左仁川朋友既屋企, 由泡菜做廚師~佢其實都叫做一個專業既廚房佬,係藍帶畢業,煮野食雖然唔可以同米芝蓮個D 比, 但都可以叫美食既..... 點擊圖片放大 +3 泡菜識煮唔等於佢 日日都煮,當然我不得不認應同既係我唔需要傳統韓國新抱咁,由早煮到晚啦 咁就過左一個簡單但快樂既星期五六日啦