首先講下自已背景先,我係一個嫁左比泡菜國男既中女(就黎3張),同泡菜結婚已經差唔多3年,頭兩年一直係外國生活,但係我地最終移民失敗,所以打道回府,而家係韓國香港兩邊走,因為我地既人生態度係work life balance,簡單黎講,我地叫癈青,對我地兩個黎講,錢唔係最重要,夠生活就得嫁啦! 我同泡菜係澳洲working holiday 個時識既,點解會結婚我地到而家都唔知,只知道我地一齊半年唔夠就因為簽證問題而結婚,可能好多人都理解唔到點樣可以咁就嫁比一個人,但最少我好肯定咁講,呢段日子我地係好開心,就算曾經試過公銀包入面得返10蚊aud! 自從離開袋鼠國之後,醜婦終需見家翁!所以我就跟佢先返韓國,拜會我既泡菜老爺奶奶,由於泡菜係返韓國前1個月先同佢地講有我呢個人,仲要已經結婚兩年,所以泡叫菜老爺奶奶當時係超級嬲嬲豬,但又生米煮成熟飯,所以無得選擇,只有接受,當然之後發生好多文化差異既問題啦~~~