放假去左跨灣大橋打卡，行完就去左康城食晚飯😋😋 見到呢間西餐廳 @interval_interval 有個二人餐幾吸引，包2款前菜同主食～～ 餐廳環境寬敞舒適，仲有露天位置！可以帶埋寵物一齊用餐呢👍🏻👍🏻 🍽Dinner Set For 2 $368✨ - 📍前菜 我地揀左是日餐湯同龍蝦湯(+$38)～～ 龍蝦湯味道濃郁，好重蝦味🦞！面頭仲有隻虎蝦，煎得好香口🤤🤤 是日餐湯係蘑菇忌廉湯～入口順滑creamy，味道都唔錯❤️❤️ 📍黑松露野菌酸種薄餅 薄餅麵團經過48小時低溫發酵♨️，口感特別鬆軟！！ 面層鋪滿黑松露醬、冬菇、杏鮑菇、秀珍菇同莫扎瑞拉芝士，賣相豐富～～ 香濃黑松露醬➕拉絲芝士，同薄餅係perfect match呢🫶🏻🫶🏻 📍北海道帶子意大利飯(+$28) 擺盤幾靚！北海道帶子肉厚鮮甜，咬落好彈牙😋😋 意大利飯粒粒飽滿，煮得啱啱好！仲有蟹籽、珍珠帶子、蘆筍等配料，全部索哂忌廉汁好入味👍🏻👍🏻 📍忌廉芝士馬鈴薯(+$48) 薯仔外脆內軟，口感好綿密！！ 醬汁味道酸酸甜甜，好開胃～整體份量好多，食完好飽肚🤣🤣 📍Collective Tiramisu(+$45) 最後試埋佢地的招牌甜品～～ 蛋糕口感濕潤，酒味同咖啡味都好平均☕️！而且甜而不膩，自己食哂都冇難度😆😆 📍餐酒(+$48) 餐廳主要選用自然酒，以天然環保為主～～ 我地叫左紅白酒各一杯，味道易入口、唔苦澀！好抵飲呢🥂🥂 🏠 Interval (The LOHAS) 地址: 將軍澳康城路1號The LOHAS康城4樓417號舖 營業時間: 10:00 - 22:00
