前排同朋友黎到尖沙咀呢間人氣居酒屋 — @ryoudouraku 食野~~餐廳裝潢充滿沖繩居酒屋風情🎏,仿如置身日本一樣!啱哂一邊食野一邊打卡🤩🤩 🐟日本直送鮮魚✨賣相吸引,鯛魚刺身色澤好靚!!口感爽口彈牙,每啖充滿魚油香!蘸豉油同少少wasabi一齊食更開胃😋😋 🍣穴子、三文魚籽壽司✨另外叫左兩款壽司試試~~穴子口感軟綿,入口帶炭燒香~好味🔥🔥三文魚籽粒粒飽滿,口感爽脆!咬落仲爆汁🤤🤤 🍲清酒煮蜆✨蜆肉脹卜卜,每隻鮮甜肥美、無沙!!清酒味道香濃🍶,食完可以暖暖胃👍🏻👍🏻 🦀味噌蟹甲羅✨幾乎每枱必點既菜式,必試~~蟹殼內裝滿蟹膏、蟹籽、蟹肉同鵪鶉蛋,份量十足!!店員仲會即場烹調,即燒即食!夠新鮮❤️❤️ 🥑牛油果雲丹天婦羅✨牛油果同海膽既配搭幾新鮮🤩🤩外層酥脆,食落有牛油果同海膽既鮮甜!啖啖滋味~~ 🥘和牛壽喜鍋✨和牛大大片,仲要入口即溶!好重油脂香🔥🔥鍋內有豆腐、金針菇同娃娃菜等配料,全部索哂壽喜燒湯底既精華!好正🤤🤤 飲品方面,我地揀左白桃乳酸🍑同巨峰啤酒🍇~~白桃乳酸味道酸酸甜甜,好解渴~~巨峰啤酒大大杯!好香巨峰提子同啤酒既味道,唔錯👍🏻👍🏻 🏠 漁道樂地址: 尖沙咀金巴利道35號金巴利中心地下A舖營業時間: 12:00 - 15:00;18:00 - 00:00