話時話真係好掛住韓國既cafe🥺🥺最近發現長沙灣新開左以韓式澡堂為主題既cafe🛁🛁裝修走小清新風，門口仲有個靚靚打卡位～～成個氣氛好似去左韓國咁，好開心🥰🥰 🍰新沙洞特色甜品套餐 $328✨一共有8款鹹甜點，包括：🍦八爪魚雪糕筒🥪煙三文魚多士🍪馬卡龍🍓士多啤梨吉士撻🥧英式鬆餅🍿爆谷吉士撻🍫朱古力慕絲撻🥭芒果奶凍 賣相精緻吸引，味道都唔錯❤️❤️英式鬆餅大大舊，外脆內軟！仲有附上果醬同clotted cream😋😋而芒果奶凍係我至愛！香甜既芒果🥭配滑溜既奶凍🍮，係絕配呢～～ 🍗蒜蓉醬油炸雞(6件) $88✨聞落好香，醬油味道好出👍🏻👍🏻炸雞炸得香脆，好入味～～如果係無骨會更加好，可以啖啖肉😏😏 🐥人蔘雞粥 $88✨份量好多，仲有配上4款韓式小菜🇰🇷🇰🇷材料都好豐富！裡面仲有一片片人蔘，味道甘香可口～食完成個人都暖笠笠呢🔥🔥 🐷炸韓國午餐肉條 $58✨炸午餐肉果然夠哂邪惡🤤🤤味道鹹鹹香香，油脂感十足～推介！！ 🥖炸甜薯拉絲芝士條 $58✨呢個芝士條幾特別～～除左有拉絲芝士，裡面仲加左蕃薯🍠！食落甜甜地幾開胃❤️❤️ 飲品方面，我地揀左藍柑橘白桃梳打特飲🍑同西柚梳打特飲🍊～賣相都好靚！！藍柑橘白桃梳打味道清新，好香桃味😋😋西柚梳打酸酸甜甜，都唔錯👍🏻👍🏻 🏠 新沙洞澡堂地址: 長沙灣福榮街506-510號榮發閣地下A1號舖營業時間: 09:00 - 18:00
