今次黎到呢間新開既越南餐廳🇻🇳🇻🇳餐廳兩層樓高，裝潢充滿異國風情～仲有個燈籠打卡位🏮添！！ 聽店員講食物原材料都係由當地運黎，真係好似去左旅行咁😆😆 🍲生牛肉雜錦湯河 $119✨湯底用左大量牛骨熬製，無添加味精～～職員提醒趁熱時加香料落湯底會更加惹味！飲落好濃郁，十分清甜😋😋除左有嫩滑既生牛肉，仲有餐廳自家製扎肉、肉丸，好重黑椒味好過癮！！河粉粉量好多，食完好滿足❤️❤️ 🍤鮮蝦墨魚炒檬粉拌bb蝦 $138✨檬粉炒得入味，食落比較濕潤，質地幼滑🔥🔥配料有鮮蝦、墨魚、芽菜同蔥絲等，都幾豐富～～仲可以落啲青檸汁、魚露提鮮！撈勻食好正👍🏻👍🏻 🥗鮮蝦豬肉片金柚沙律 $108✨當日去到鮮蝦已經賣哂，所以轉左墨魚～～墨魚切到好厚，鮮甜彈牙🤤🤤金柚撈埋紅蘿蔔絲、青瓜絲、豬肉，食落好清新！！仲有幾塊新鮮炸起既蝦片，夠哂香口🤩🤩 🍵無糖越南高山綠茶 (跟餐)✨茶味好香！入口順滑，飲完幾消滯😋😋-☕️特濃煉奶咖啡 (跟餐)✨咖啡味道香濃，煉奶好滑～～口感層次豐富！推介大家試試❤️❤️ 🏠 Lúa地址: 銅鑼灣東角道26號怡安大廈1樓13-15號舖及地下13-16號舖營業時間: 11:30 - 18:00
