疫情未受控，最好都係買外賣食😋😋今次同大家介紹呢間太子新開既漢堡店～～小店主打各款特色漢堡🍔，主要以外賣為主🥡，都有少許座位可以堂食～～最特別係店內有個姜B紙牌可以俾人打卡呢📸🥰 🍔WB手打牛王漢堡 $68✨首先要試下佢地既招牌漢堡🤩🤩望落好豐富，包括有蕃茄🍅、煎流心蛋🍳、芝士片🧀、生菜🥬、牛肉漢堡扒配WB經典醬🐮等～～漢堡扒煎得香口，肉質厚實好juicy🤤🤤麵包都好鬆軟，即使返到屋企擺左陣都冇腍哂，依舊有口感～唔錯❤️❤️ 🍔芝菠蘿雞堡 $68✨朋友就試左呢個菠蘿雞漢堡～～包括有芝士片🧀、生菜🥬、菠蘿片🍍、炸雞扒配WB經典醬🍗等，份量十足！！炸雞扒大大塊，炸得外脆內嫩😋😋配埋香甜菠蘿一齊食，口感好清新！！而且食完都唔會覺得太油膩，感覺冇咁邪惡👍🏻👍🏻 另外可以加($18)升級做套餐，包小食同飲品～～小食揀左薯條🍟同雞翼🐥，薯條比較軟身香口～雞翼炸得香脆，略嫌肉質硬少少🤏🏻🤏🏻 值得一讚係佢地既飲品選擇好多！我地就揀左烏龍茶同檸檬紅茶🍹，啱哂唔想飲汽水既朋友❤️❤️ 🏠 食包地址: 太子太子道西139號地下C號舖時間: 11:00 - 22:00
