好耐冇食放題啦，朋友話呢間放題性價比好高～～咁啱見出左糧，梗係食大餐放縱下啦🥳🥳-🍱晚市放題(星期一至四18:00後入座) $229✨ 我地另外加($138)升級食品，可以任食生蠔同海膽帶子～～坐低後就可以掃qr code落單，食物選擇都好多😍😍-📍刺身拼盤望落好豐富！包括有三文魚、油甘魚、希靈魚、馬刀貝、北海道角螺同珍寶赤蝦等～～每款都好新鮮，味道鮮甜😋😋當中珍寶赤蝦最有驚喜！咬落肉質爽彈，油脂香十足❤️❤️ 📍海膽帶子每粒都脹卜卜好吸引😍😍厚肉帶子裡面夾住甘甜海膽，兩者一齊食好滿足！！忍唔住encore左幾次🤟🏻🤟🏻 📍法國生蠔生蠔大大隻好飽滿，味道鮮甜多汁～～食落完全唔腥，仲食到淡淡既海水味，推介👍🏻👍🏻 另外，仲試左幾款壽司～每款都細細舊，食完唔會咁快飽，可以試哂咁多款🤤🤤 除左壽司刺身，仲有好多款泰式小食🇹🇭包括泰式燒元貝、炭燒豬頸肉、辣椒膏炒蜆同泰式蝦餅等～～當中必試泰式燒元貝！元貝燒得剛熟，食落陣陣蒜香，好惹味😋😋 估唔到連中式燉湯都有！味道濃郁，好足料～～ 炸物方面，紫心香芋丸、芝士年糕同脆皮炸香蕉都唔錯！炸得香口好好味👍🏻👍🏻 甜品方面都有好多選擇！仲有雪糕同雪條可以任食🤤🤤整體食物質素唔差，今餐食得好飽！下次可以再黎試試❤️❤️ 🏠 瀛豐放題料理專門店地址: 銅鑼灣駱克道491-499號京都廣場10樓營業時間: Mon-Thur 16:00 - 00:00Fri-Sun 12:00 - 15:00；16:00 - 00:00
