第一次黎德福foodcourt，原來都有好多野食😍😍行左陣見到呢間Hawa Poke覺得幾吸引～～落單後店員會喺你面前即場製作，十分期待呢🤩🤩 🍗嫩雞肉波奇 $58✨賣相都唔錯！材料有慢煮雞肉、蟹柳、玉子絲、豆腐、凱撒沙律醬、紫菜絲、木魚絲同黑白芝麻～～慢煮雞肉口感唔柴，煮得啱啱好😋😋整體配搭好開胃！仲可以揀要壽司飯或沙律菜做底，半飯半菜都得架👍🏻👍🏻 🥗加州風味 $78✨鍾意食三文魚既朋友可以試試呢款❤️❤️材料有三文魚、青瓜、玉子絲、三文魚籽、車厘茄、日式胡麻醬、紫菜絲、木魚絲同黑白芝麻～～三文魚切成粒狀，鮮甜肥美！配日式胡麻醬食真係好正🤤🤤成碗份量好多，食完真係超飽🤣🤣 🍱炸物拼盤 $58✨呢個拼盤好豐富！包括有大大粒炸雞、酥炸魷魚圈、黃金炸蟹鉗、流心炸芝士、吉列炸蝦同香炸魚手指～～每款有兩件，同朋友share就最啱❤️❤️當中最鍾意大大粒炸雞！炸得香脆，內裡雞肉嫩滑，唔錯😋😋 飲品方面，我地叫左牛油果奶昔($36)🥑同日本烏龍茶($12)☕️～～牛油果奶昔味道清新，口感濃稠～飲完都幾飽肚🤣🤣日本烏龍茶茶味香濃，解膩一流👍🏻👍🏻 🏠 Hawa Poke地址: 九龍灣偉業街33號德福廣場二期5樓501B號舖營業時間: 11:30 - 21:30
