放工後時不時會約朋友去放鬆下🥂🥂 今次就黎到呢間銅鑼灣既手工啤酒專門店～～佢地除左提供20幾款獨家進口同本地手工啤酒外，仲有供應多款特色美食😋😋 餐廳裝修以嘉年華為主題，環境色彩繽紛，夠哂chill 🎡🎡 🫓京式鴨抓餅 $118✨手抓餅好酥脆，面頭有4片鴨胸同大蔥～～味道鹹香十足！感覺似食緊片皮鴨+pizza咁🤣🤣 🐷邪惡炸豬腩 $108✨呢個炸豬腩真係超邪惡🤤🤤外層炸得脆卜卜，肉質半肥瘦多肉汁！！蘸一蘸旁邊既泰式酸辣汁食更開胃❤️❤️ 🍔雞同鴨講 $128✨賣相好靚！隻太陽蛋好吸睛😍😍burger裡面包住炸雞、泡菜同太陽蛋，呢個配搭都幾特別～～炸雞炸得香脆，配泡菜同韓式蛋黃醬一齊食好惹味👍🏻👍🏻 🥘滑滑青口 $148✨份量好多！青口都好厚肉😋😋用左忌廉白酒去煮，味道好香好入味～～略嫌醬汁唔夠多，多返少少會更creamy🤏🏻🤏🏻 🍰自家制紐約芝士蛋糕 $68✨估唔到佢地連甜品都有提供～～芝士蛋糕口感幼滑，好濃芝士味🧀🧀作為今餐結束好滿足🥰🥰 🍺H.K. Lovecraft $58✨黎到當然要試下佢地既手工啤酒啦～～餐廳8點前係happy hour，有幾款啤酒賣緊$58，好抵❤️❤️我地揀左呢款香港手工啤酒，入口香醇！味道帶點焦糖同堅果香，唔錯呢👍🏻👍🏻 🏠 The Madhouse CWB | Taproom • Kitchen地址: 銅鑼灣禮頓道29號華懋禮頓廣場地下2號舖營業時間: 11:00 - 00:00
