朋友介紹呢間火鍋店有個晚市優惠，7:30前離座即享68折，見咁抵就黎試試～～餐廳裝修行宮庭風路線，好有氣派！空間都夠大，坐得好舒服❤️❤️ 落單後先去自助醬料區行一轉～～地方乾淨企理，配料選擇好多，而且好新鮮👍🏻👍🏻 最特別係佢地自家品牌既芝麻油，用來混醬好好味！！ 湯底方面，我地揀左鮮淆豬骨湯($98)～～豬骨湯好濃郁，裡面仲有香菇、大蔥等材料，好足料😋😋 🐮日本A4和牛牛頸脊(半份) $218✨呢個係必點，行過見到有六成客人都食緊～～一大盤牛肉賣相吸引，兩個人點半份食啱啱好🤤🤤牛頸脊雪花好靚，食落肉質嫩滑！！而且好香牛味，蘸少少醬油更加鮮味❤️❤️ ❄️高原雪花綉球菌(半份) $68 ✨綉球菌賣相好得意，真係好似朵花咁～～只要淥25秒左右就食得！口感好爽甜，好好味😋😋出面好少見到呢款食材，幾特別！！ 🥟手工韭菜餃(5隻) $39✨韭菜餃皮薄餡靚，味道唔錯～～咬開仲見到滿滿既韭菜，好足料👍🏻👍🏻 🦑菠菜墨魚滑 $68✨墨魚滑味道好濃，淥起好彈牙好好味！！不過略嫌菠菜味唔太重～下次仲想試試佢地招牌既油炸鬼釀墨魚滑🤩🤩 呢餐折完都係$400幾左右，性價比好高！！天氣再凍d會想再黎食過😋😋 🏠成都老碼頭火鍋 地址: 旺角塘尾道61號地舖營業時間: 17:00 - 23:45
