諗唔到食咩果陣，打邊爐就係一個好選擇🤣🤣前排放假同朋友去左旺角既大將食火鍋放題～～餐廳地方闊落，環境乾淨！仲要係我至愛既一人一鍋，感覺唔錯呢❤️❤️-🐮澳洲和牛肩肉套餐 $268/位✨ 我地揀左呢個澳洲和牛肩肉套餐，湯底就揀左完熟蕃茄海老濃湯🍅同花生沙嗲湯🥜～～蕃茄湯味道濃郁，飲到啖啖蕃茄鮮甜同海老既鮮味😋😋花生沙嗲湯都唔錯！好香沙嗲味，湯底仲有d花生粒，味道微辣～～肉類方面就有7款，分別係澳洲和牛肩肉、美國SRF和牛、美國嚴選極上牛、美國特上牛、山原島阿古豬五花、山原島阿古豬梅花同特選雞腿肉～～ 當中至愛澳洲和牛肩肉！紋理好靚，肉質肥瘦均勻，有咬口🤤🤤 美國SRF和牛都唔錯～肉質比較軟腍，淥一淥就食得～～ 除左牛肉，豬肉同雞肉都有水準！以放題黎講性價比幾高👍🏻👍🏻-另外自助區都有提供多款蔬菜、丸類、熟食同飲品～～ 甜品就有雪糕同幾款蛋糕，仲有得自製窩夫添😍😍整體食物選擇都好多，質素都唔錯！推介❤️❤️ 🏠 大將地址: 旺角彌敦道700號T.O.P This is Our Place地庫FoodYum R1號檔營業時間: 11:30 - 22:00
