想食正宗水上人家菜又唔一定要入大澳既，近近地銅鑼灣都有唔錯既選擇😏😏前兩晚同朋友黎到大澳德發食飯，叫到一枱海鮮都唔洗$500，超抵食👍🏻👍🏻 🍱優惠孖寶B $258✨我地叫左呢個套餐，有沙嗲銀絲中蝦煲同椒鹽鮑魚 (4隻)～～兩款食物質素都唔錯，好抵食❤️❤️沙嗲銀絲中蝦煲既沙嗲醬好濃郁，味道偏甜～～ 裡面有十隻中蝦，口感彈牙，蝦頭仲有少少膏🤤🤤銀絲相對煙韌，索哂醬汁味道好惹味！！ 而椒鹽鮑魚就炸得好透，啱啱熟唔會好硬～～食落十分鮮甜，炸蒜都好夠味！推介👍🏻👍🏻 🧆碧綠龍躉球 $148✨龍躉球好大片，一碟有6件，全部都好爽甜！！配菜有野菌同西蘭花，炒起來唔算好油～～調味都啱啱好，唔錯😋😋 🍲大地魚蠔仔肉碎湯飯 $68湯飯好大碗，基本上可以分4小碗享用🤤🤤飲第一啖湯就覺得好鮮甜！食落蠔仔超級多，完全冇沙～～仲有魚乾、芫茜等配料，十分豐富❤️❤️ 而家晚市惠顧滿$400，會送鹽焗奄仔蟹一隻🦀🦀需時15-20分鐘，可以預早少少叫侍應上埋～～啱啱焗起拎出來好大陣香料味！！鹽焗奄仔蟹細細隻，食落蟹膏同埋肉質都唔錯呢👍🏻👍🏻 🏠 大澳德發 地址: 銅鑼灣謝斐道477-481號肇明大廈1樓及地下A號舖營業時間: 07:00 - 23:00
