天晉滙真係多左好多餐廳選擇～～呢排見天氣涼涼地，就黎到牛助試下佢地既火鍋放題😋😋-🥘美國牛肩加黑豚肉任食放題(90分鐘) $258/位✨ 我地揀左呢個放題套餐，可以任食4款肉類，包括有牛肩、伊比利亞全橡果豚肉、肥牛同雞肉～～而自助區選擇都好多！有壽司、炸物、關東煮、蔬菜、丸類、烏冬拉麵、啤酒汽水等～～全部都擺得好靚，好新鮮！我地每樣拎少少返去已經好豐富😍😍 湯底方面，我地揀左壽喜燒～味道調較得唔錯，清得來帶點甜，唔會蓋過肉本來既鮮味🤤🤤牛肩好濃味，唔算好薄，油脂分佈少，食落比較爽口！！雞肉淥熟好嫩口，索哂湯底既味道，好正😋😋 伊比利亞全橡果豚肉絕對係全晚既亮點！！來自西班牙既黑毛豬，飼養期都係食橡果，令豬肉帶有獨特香味，而且肉色粉嫩、油花清晰～～淥二十秒左右就食得！就算唔蘸任何醬料都食到豬肉甜味～又唔算好油膩，口感比雞髀肉更滑溜，推介👍🏻👍🏻 食火鍋期間不時會有店員拎啱啱炸起既小食出來招呼每枱客人，有餃子、雞軟骨、芝士年糕、墨魚餅等～～而且食物質素都好好，如果唔係太飽都想encore😋😋-店員都有推薦我地試下佢地新既清酒機～可以用$148任飲9款清酒套餐(90分鐘)🍶🍶不過屋企人唔飲酒，我就決定留返下次先同朋友試啦～～而家預先bk枱或揀選$198以上放題套餐都有Haagen-Dazs雪糕送～真係超滿足呢❤️❤️ 🏠 牛助 地址: 將軍澳唐賢街19號天晉匯二期一樓119B號舖營業時間: 12:00 - 14:30；18:00 - 22:30
