柳氏家最近推出左韓式放題，可以任食60款韓國美食！！之前黎食過炒雞覺得質素唔錯，今次就黎試下新野啦😋😋-🥘晚市120分鐘韓國Buffet $258✨-除左有無限追加既單點項目：鐵板雞、烤肉、炸雞之外，自助區都有唔少選擇，例如係前菜、小食、蔬菜、甜品、飲品等～～趁單點食物未到既時候，我地去自助區拎左少少野食返埋位試下🤤🤤 最值得推薦有呢幾款👇🏻👇🏻📍辣炒五花腩🐷炒得好香！腩肉切得好薄， 調味啱啱好，肉質嫩滑～～連埋洋蔥一齊炒好香甜😋😋📍韓國粉絲🇰🇷炒粉絲煙韌煙韌，好入味！配料有好多蔬菜絲，口感豐富❤️❤️📍一口飯團🍙泡菜炒飯搓到圓碌碌好得意，味道都唔錯～～ 而單點項目既質素都好出色，我地咩都試左少少😏😏📍柳氏家蜜糖味噌炒雞🐥今次唔洗自己動手，炒雞上枱時已經整好左，大大碟～～雞肉尚算嫩滑，配料仲有大蔥、椰菜等～～整體味道都偏重蜜糖味，推介👍🏻👍🏻 📍甜辣炸雞🍗一件炸雞已經係手掌size，唔似平時咁細細件～～想試多d款式既朋友可以叫少d件數，方便share食～～炸雞比較乾身，冇咩骨～甜辣醬味道好濃，好惹味🤤🤤 單點烤肉款式都好多，質素比起buffet bar好，而呢兩款我地就最鍾意❤️❤️📍牛護心肉🐮好大件！用左秘制醬汁醃製，燒果陣已經聞到香味～～食落肉質腍滑，味道仲好濃郁～～📍厚切豬腩肉(辛味烤肉汁)🐷豬腩肉油脂感極重，好厚身～～先用一分半鐘燒香一面再反轉，就好容易燒到金黃色🤩🤩同埋本身已經用醬汁醃左一段時間，所以好入味～～剪開一件件用生菜包住食真係好正👍🏻👍🏻 今次呢個buffet性價比好高，可以任食炒雞真係加分！！而且午市同晚市都有供應，大家有興趣都黎試下🤗🤗 🏠 柳氏家地址: 荃灣大壩街4-30號荃灣廣場3樓350-352號舖營業時間: 12:00 - 22:00
