旺角最近新開左間無限時台式火鍋店🤩🤩餐廳裝修走簡約文青風，地方闊落，環境舒服～～今次同朋友傾下計打下邊爐又過左一個下午，感覺唔錯❤️❤️-🍲台灣養生涮涮鍋吃到飽套餐 $398✨ 我地叫左呢個$398套餐，可以任食牛肉、豬肉、海鮮、配料、蔬菜同飲品任飲～～湯底方面，我地就加($48)轉做鴛鴦湯底，揀左田園蕃茄濃湯牛肉涮涮鍋同藥膳花膠雞涮涮鍋😋😋佢地既湯底好足料！蕃茄湯底裡面有唔少既牛肉，咬落好軟腍！花膠湯底都有幾舊花膠，同埋好多雞肉，味道濃郁🤤🤤 肉類方面，可以任食Prime Grade安格斯牛頸脊、Prime Grade 美國安格斯牛肉、西班牙伊比利亞黑毛豬同西班牙無激素雞豬肉片～～當中最鍾意安格斯牛頸脊！紋理好靚，肉質嫩滑之餘仲有入口即溶既感覺👍🏻👍🏻 海鮮方面，叫左生猛海蝦同是日精選海鮮～～海蝦口感爽口彈牙，好新鮮😋😋是日精選海鮮係蟶子同蜆，細細隻，味道鮮甜～～ 另外仲叫左足八吋長蟹棒、台灣黑灣鴨血、米血糕、台灣凍豆腐等配料，真係超多野食！！仲有款爆醬濃芝牛丸係我至愛～彈牙牛丸➕芝士流心，呢個配搭超正😆😆 飲品方面都有好多選擇！除左汽水，仲有好多自家製冷泡茶可以飲～～試左愛文芒果茉莉花茶，味道好清新！飲落好香芒果味，十分解渴👍🏻👍🏻冷泡日月潭蜜香紅茶既茶味香濃，都唔錯❤️❤️ 另外每枱都會送上一份shake shake黃金地瓜條🍠🍠仲有4款粉 (甘酶、麻辣、蕃茄同海苔)可以任shake～～地瓜條外脆內軟，十分香口😋😋 最後就係甜品，每人可以揀一款雪糕或雪條～～我地揀左Movenpick楓葉糖合桃味雪糕同Dreyer’s 白桃乳酪雪條🍨🍨食到咁飽，最後食返杯雪糕真係特別滿足🥰🥰 🏠 馬祖無限時台灣養生涮涮鍋地址: 旺角彌敦道628號瓊華中心11樓
