早幾晚去銅鑼灣行街周圍都好多人，唯有行遠少少去希雲街附近食飯～～見有間越式小店價錢平而且都幾多人食，就去左試試❤️❤️ 🍜春嬌火車頭湯檬 $68✨呢款係店員推薦俾我地，話湯底用大量牛骨熬製，好鮮甜😋😋湯底味道濃郁！感覺上冇加好多調味料，好足料～～配料有花膠、牛肉、牛腩、牛丸，質素都唔錯！當中有兩大片花膠最驚喜，好爽口🤤🤤檬粉煮得啱啱好，唔會太腍～～份量都好足，自己黎食夠哂飽👍🏻👍🏻 🥘馬來咖喱牛腩配手抓餅 $78✨咖喱味道濃郁，有少少辣，薯仔煮到好腍好入味～～牛腩比例都多，件件都帶少少肥膏，幾易咬❤️❤️手抓餅熱辣辣上枱，蘸咖喱汁食一流😋😋 🍤網紙蝦春卷 $36✨呢款係越南傳統小食，所以都叫左黎試～～網皮包住滿滿既蝦膠、蔬菜絲，食落好爽脆！蘸埋酸辣醬味道仲豐富👍🏻👍🏻 🍹話梅咸檸梳打 (+$8)✨呢杯飲品都唔錯～～話梅同咸檸味道都好濃，成杯梳打都好夠味，而且唔會太甜🤩🤩 🏠 春嬌地址: 銅鑼灣加路連山道9A號地舖營業時間: 11:00 - 21:00
