今次黎到呢間觀塘新開既台式餐廳🇹🇼🇹🇼佢地係由幾個20幾歲後生仔開架👦🏻 主打健康、無味精既台式料理~~餐廳而家仲做緊下午2:30後全單9折同特飲半價優惠,超抵呢🤩🤩 🥭壹.01 芒果魯肉飯 $58✨芒果同魯肉呢個配搭都係第一次見😆😆估唔到一齊食都幾夾!芒果好鮮甜,可以中和返魯肉既油膩感~~面頭仲鋪滿蔥花,撈埋一齊食好香口🤤🤤 🍖蜜汁紫菜排骨飯 $60✨排骨好大塊,肉質仲好鬆軟!!店主話係冇落鬆肉粉同味精,全靠人手打鬆架🙌🏻🙌🏻飯上面有好多紫菜,啱哂鍾意食紫菜既我🤣🤣 🍢牛肉汁煮風琴豆腐(2串) $20✨風琴豆腐好腍身,仲索哂牛肉汁!!咬落去有種爆汁既感覺,超入味🤤🤤 🐥鹽酥雞球 $16✨鹽酥雞炸得脆卜卜,外脆內軟~~份量都好多,幾抵食❤️❤️ 🥟炸餃子(4隻) $15✨餃子咬落好香脆!!蘸沙律醬一齊食都唔錯👍🏻👍🏻 飲品方面,我地叫左雙檸東瓜茶($21)同0冰手作芋頭鮮奶($24)~~雙檸東瓜茶飲落好清爽!味道酸酸甜甜,好解膩❤️❤️芋頭鮮奶都唔錯~佢地既手作芋泥好好味😋😋仲飲到好濃既奶香,推介!! 🏠 壹.01地址: 觀塘駿業街56號中海日升中心2樓D號舖營業時間: Mon-Sat 11:30 - 21:30