今次同朋友黎到呢間位於銅鑼灣既新派韓式餐廳🇰🇷🇰🇷餐廳裝修走清新文青風,環境乾淨舒服~~而家佢地menu做緊白桃主題,一於就黎試試啦😚😚 🍳明太子厚煙肉蛋包飯 $132✨黎到梗係要試下佢地既人氣蛋包飯啦!!我地就揀左呢個新推出既明太子厚煙肉口味,賣相好靚😍😍用刀輕輕𠝹開蛋包飯既表面之後,裡面既流心滑蛋就會慢慢流落黎,好吸引!!滑蛋口感十分嫩滑,配埋個牛肉炒飯一齊食好滋味😋😋旁邊仲有厚煙肉同沙律,整體好豐富👍🏻👍🏻 🐷燒醬油黑毛豬白切肉配大醬生菜 $182✨黑毛豬好厚身,咬落啖啖肉仲要好香燒烤味🤤🤤份量都好多同足料!配料有齊泡菜、青椒、蒜頭同豆瓣醬~除左有生菜,仲有紫蘇葉,感覺好正宗❤️❤️用生菜一次過包住黎食超超超滿足!! 🍗芝士無骨炸雞(half) $128✨炸雞鋪滿芝士粉,味道甜甜地好開胃~~咬落外脆內軟,仲有年糕同薯條,十分香口😋😋叫左半份都好多,2個人share啱啱好~~ 🍫烤朱古力棉花糖 $98✨最後要食埋個甜品先滿足😆😆呢個甜品真係超邪惡!棉花糖下面係消化餅碎,面頭仲有d朱古力碎同朱古力醬~~棉花糖每粒都脹卜卜,外層好脆,然後入口即溶😋😋另外仲配上兩塊消化餅,一齊食可以中和返棉花糖既甜味呢👍🏻👍🏻 飲品方面,我地就叫左盛夏白桃梳打($42)同紅豆鮮奶($42)~~兩杯賣相都好靚!盛夏白桃梳打味道清新,裡面仲有桃肉,好鮮甜🤤🤤紅豆鮮奶都唔錯,裡面有粒粒紅豆,仲飲到啖啖奶香❤️❤️ 🏠 Banchan and Cook地址: 銅鑼灣勿地臣街1號時代廣場9樓922-923號舖營業時間: 11:30 - 22:00