今次黎到銅鑼灣既Al Forno Cafe and Bar～～呢間主打手工pizza，仲有提供窩夫、意粉同小食等，好多選擇🤩🤩特別係佢地日頭會係Cafe，夜晚就係Bar，所以lunch同dinner既menu會唔同～～今次就黎試下佢地既dinner menu啦❤️❤️ 🧆Al Forno 肉丸 $88✨呢款手工肉丸係由牛肉同豬肉製成，咬落鬆軟有肉汁～～份量方面有3大舊，好巨型！足夠2個人share🤤🤤面頭有拉絲芝士，配上蕃茄醬一齊食好惹味！！作為前菜好開胃呢😋😋 🍗爆谷雞粒配香辣醬 $78✨爆谷雞粒炸得好香脆，份量好多！！望落紅卜卜好似好辣，但其實係唔辣🤣🤣size細細舊，方便一啖擺落口～～ 🍔安格斯漢堡配蕃茄芝士酸青瓜脆煙肉 $148✨呢個burger好特別，佢係用左牛窩夫代替漢堡包皮～～食落好酥脆，仲好香牛油味🤤🤤裡面包住安格斯牛肉、蕃茄、芝士、生菜等，面頭仲有酸青瓜同脆煙肉！！整體口感好豐富，推介👍🏻👍🏻 🍝蒜香白酒蝦扁意粉配意式風乾火腿 $158✨賣相幾靚！扁意粉口感唔錯，大蝦都爽口彈牙😋😋味道相比其他會較淡，不過配意式風乾火腿一齊食就啱啱好～～ 🍰Al Forno Tiramisu $68✨呢個係佢地既招牌甜品黎，望落已經好吸引😍😍口感好creamy，而且酒味同咖啡味都好平均～～裡面既手指餅仲好香脆，十分正❤️❤️ 🍸One and All $88✨我地叫左2杯mocktail試試～～呢杯有士多啤梨、青檸同薑汁汽水，飲落酸酸甜甜都唔錯👍🏻👍🏻-🍹Fruit Punch $78✨之前唱親K都好鍾意飲雜果賓治，見呢度有就叫左黎飲😆😆呢杯有菠蘿、橙、熱情果、紅石榴糖漿同梳打～～飲落清爽解渴，唔會太甜幾好🤤🤤 🏠 Al Forno Cafe and Bar地址: 銅鑼灣告士打道218號地舖營業時間: 12:00 - 22:00
