今次同大家介紹呢間我成日食既餐廳❤️❤️佢地主打港式粉麵，食物選擇多之餘價錢又唔貴～～重點就係開喺我屋企樓下，夠哂方便🤣🤣 🍜原汁牛腩河 $37✨牛腩份量好多，而且肉質軟腍好好食！！師傅切到個size啱啱好，可以一啖擺落口🤤🤤河粉滑捋捋，仲索哂湯汁！雖然湯底唔算濃郁，但都好夠味😋😋 🍢手唧魚旦米線 $35✨望落都好豐富！除左魚旦，仲有魚片同魚片頭～～全部都好爽口彈牙，推介👍🏻👍🏻個湯清清地幾好飲，嫌唔夠味既可以加辣椒油🌶🌶 🍗生炸雞髀 $27✨炸雞髀都係我至愛❤️❤️外皮炸得卜卜脆，外脆內嫩好好食！！雞髀仲好大隻，食完超滿足😍😍 🥪法蘭西多士 $22✨西多士好厚身，咬落好鬆軟～～裡面有滿滿既花生醬，淋上糖漿更好味！！邪惡得黎又停唔到口😆😆 飲品方面，我地叫左紅豆冰(+$12)同凍檸檬紅茶(+$9)～～紅豆冰好足料！好香奶味仲有好多紅豆😋😋凍檸茶就偏甜，但整體都OK～～ 🏠 新樂園魚蛋粉地址: 將軍澳調景嶺彩明街1號彩明商場2樓265號舖營業時間: 07:00 - 00:00
