夏天就最啱食泰國野😋😋呢排見到大家係咁po火山排骨,搞到我都心思思走左去食🤣🤣 🔥火山排骨 $198✨上枱果陣真係嚇親,因為真係好大份,2個人都未必食得哂❣️❣️排骨有3-4大舊,煮得好軟腍🤤🤤醬汁就有青辣、椒蒜頭、芫荽等,味道酸酸辣辣,好惹味!!餐廳有提供手套,用手套拆骨最方便👍🏻👍🏻 🍍菠蘿海鮮炒飯 $98✨呢個炒飯好足料!裡面有好多海鮮,例如帶子、蝦仁、青口等~~另外仲加入左新鮮菠蘿粒、提子乾、肉鬆同腰果去炒,口感好豐富🤤🤤飯粒炒得粒粒分明,十分香口~~ 🍢泰式串燒(半打) $88✨串燒有豬、牛、雞可以揀,我地就每款叫左2串✌🏻✌🏻3款味道都唔錯,燒得啱啱好,唔會好硬~~個秘製醬汁都好好食,好香花生醬味😋😋 🥠泰式春卷(6件) $58✨春卷外脆內軟,餡料豐富~~鍾意食香口野既人會鍾意❣️❣️ 🥭芒果糯米飯 $78✨呢個係我至愛黎,就算食到好飽都食得落😍😍芒果好大舊,咬落鮮甜多汁~~糯米飯口感煙韌,配椰漿食好好味👍🏻👍🏻 🥥椰青 $48✨飲品方面叫左椰青,大大個好抵飲~~味道好鮮甜,食完辣野飲就最啱😋😋