話說前排行荃灣,無意中發現呢度有間台灣餐廳🇹🇼🇹🇼見好耐都冇食台灣野,於是就入左去試試~~ 🍲藥膳排骨 $80✨望落已覺得好豐富!一黎試左個湯先,飲落有淡淡的藥材味,唔會太濃~~排骨就煲得好軟腍,輕輕一切已可拆骨🤤🤤食落味道比較淡,嫌唔夠味可以蘸旁邊的秘製醬,鹹鹹地甜甜地,比較開胃😋😋我仲加$10轉左做滷肉飯~滷肉肥瘦適中,撈勻之後好送飯👍🏻👍🏻 🐥鹽酥雞 $66✨鹽酥雞炸得好香脆,外層灑滿調味粉,外脆內軟😋😋份量都好多,就咁配白飯食都好好味,幾抵!! 🧈滷水豆腐 $25✨呢度都有幾款小食可以揀,我地就叫左滷水豆腐~~佢係百頁豆腐黎,口感爽口彈牙,仲索哂滷水汁,超入味🤤🤤 跟餐可以揀一份湯品/甜品,我地就叫左每份各一❣️❣️湯品係台式酸辣湯,甜品就係青檸愛玉凍~~台式酸辣湯好足料,感覺似碗仔翅,但飲落比我想像中辣🤣🤣青檸愛玉凍口感清新,似食緊啫喱咁,攞黎做飯後甜品十分不錯👍🏻👍🏻 野飲方面,我地分別叫左蒟蒻球白桃烏龍(+$12)同蒟蒻球百香果綠茶(+$12)🍹🍹2杯茶味都好濃,好好飲,可以媲美出面既手搖店~~幾鍾意食佢地既蒟蒻球,口感彈牙,都幾特別😆😆 🏠 饞•台式幸福食堂地址: 荃灣大河道98號如心廣場二期1樓122號舖營業時間: 11:30 - 21:30