睇食譜影片去喱度: https://youtu.be/zdp2DHlyTLk 大家好!歡迎收睇肥野廚房 最近不幸地就因為疫情嘅關係,咁應該好多人都好似我咁,可能除咗返工之外呢,咁其餘嘅時間都會留喺屋企。我都希望大家盡量留喺屋企,唔好加添醫護嘅工作。 咁既然喺屋企嘅時間多咗, 係屋企煮飯嘅次數亦多咗,我身邊都好多人都好頭痛, 話已經唔知究竟仲可以煮啲咩餸好,黎黎去去都係重覆食埋D差唔多嘅餸, 食到好悶。所以今日就同大家分享一個酸酸甜甜, 好開胃嘅紅酒洋蔥汁豬扒食譜 其實我之前都分享過好多種唔同的豬扒食扒, 例如有蔥油豬扒,蘋果焗豬鞍, 洋蔥豬扒,用牛奶醃嘅嫩滑煎豬扒,氣炸西式香草豬扒等等, 有興趣可以去我的youtube頻道睇返 https://www.youtube.com/channel/UC71qHf-q0oNvA2VcJZ90v3A/featured?view_as=subscriber 亦都可以追蹤埋我的facebook 同IG, 可以睇埋我最近去左邊黎, 食左d咩值得推介的餐廳 Facebook : 肥野廚房 IG : fatchickkitchen 好啦, 我地先睇一下喱個食譜會用到的食材 材料 洋蔥1個 豬扒8塊 紅酒200ML 牛油約1湯匙 喼汁2湯匙 brown sugar 2湯匙 生抽2湯匙 油2湯匙 生粉1湯匙 水少許 粉紅鹽少許 現磨黑胡椒碎少許 步驟: 1.洋蔥切絲 2.用刀背將豬扒揼鬆,再用廚房紙將豬扒吸干血水 3.加上粉紅鹽/海鹽和現磨黑胡椒碎在豬扒其中一面 4.中火熱鍋, 加1湯匙油和牛油 5. 牛油融化後加入洋蔥炒至軟身 6.加入喼汁, brown sugar, 生抽, 紅酒, 轉小火煮 7.中大火熱鍋, 加1湯匙油, 將有調味料的那面豬扒向鍋放, 再在面部加上少許粉紅鹽/海鹽和黑胡椒碎, 煎至金黃後反轉 8.生粉溝少許水, 待洋蔥煮了約15分鐘左右後加入, 攪拌 9.再加入少許粉紅鹽/海鹽和黑胡椒碎調味, 再按個人口味決定是否需要再加多些糖, 攪拌後可熄火 10. 豬扒約每面反大概2-3次至整塊變金黃便可 11.拿出豬扒後, 將洋蔥汁淋在豬扒上 12.完成
