平時的星期日好少可會一早出去town 度做brunch, 但今日約左朋友晏D飲酒, 所以想中午食飽D以方便一陣再作戰 其實都有一段幾長的時間冇黎永豐街喱邊, 所以都幾期待, 以前星街月街喱邊都冇而家咁多餐廳, 都係得一兩間club , coffee shop咁, 但而家就真係變左好多 中午時間黎到, 我地冇book 枱o既, 入到黎就立刻有人serve, 一坐低就緊係即刻點杯啤酒飲下先啦 由於夏日炎炎的關係, 我地都點左個沙律 - Sesame chicken & bamboo salad, 暫時都好似未o係香港的西餐廳見過喱個沙律, 所以好有新鮮感, 味道都好清新 0 小食方面就叫左個雞亦, 其實我o既願望就係食曬全世界所有餐廳整的雞亦 0 0 至於burger 方面, 我就想試下唔同D 口味的手撕豬肉漢堡, 而我男人就點左個basic d 的bacon cheese burger. 我每次點親burger 都會叫佢地整Medium , 聽上去好似就冇咩難度, 但其實都唔易, 因為好多時佢地都會將個burger整得太熟, 咁就會好'鞋' 同埋冇曬d 肉汁, 不過今次喱個就整得剛好, 之但係, 我覺得個pulled pork有d 喧賓奪主, 搶左本身burger 的味道, 所以我如果下次再黎應該都會點返d basic d 的burger 0 0 整體黎講我都好滿意喱餐, 侍應的服務都幾好, 順帶一提, 佢地係冇收10% 服務費的, 所以如果大家覺得侍應的服務好都可以俾多少少tips 同埋見到好多人都話佢地個weekend free flow brunch 好抵食, 都搞到我心思思, 下次有機會都會想試下
