開業不久牛頭角工廈內的分子餐廳。 一甫出lift門，已經見到佢呢度特色鐵閘。 店內有蠻大的空間，裝潢很簡單，仍保留工廈的牆身及天花。單位內有大玻璃窗，若然在日落時分，一定很美。 內有band房，整晚不時都聽到裏面傳來的音樂聲，但不吵耳。訂了七點的枱，剛到只兩枱客人，越夜越多人，人聲變得有點吵耳。 簡潔的餐牌，簡潔得不懂看。有set lunch 及set dinner，也有少量appetizer和desser可選。點了set dinner 有頭盤、二盤、主菜及甜品。只有魚或牛，我選了前者。 一坐低就有自家制的麵包，唔知成分係咩，只覺帶點酒味。 頭盤（冷盤）是羅馬生菜。將生菜打成綠色槳加上切成粒的西芹頭和生米。本人很少試分子料理，第一口的感覺很詭異。冷的，菜味重，加上生米西芹頭的口感，頗特別。 二盤為魷魚。灼熟的魷魚混了紫菜油及在底的白菌醬，醬夠吊味，但嫌魷魚鮮味不足。只能食到灼的淡，不夠熱，好似涼掉的餸。 到主菜盲鰽，整晚唯一的熱食。茴香就係圖中泥綠色細細"pat"，食落好fresh有回香，好特別好搶的味道，但未必個個喜歡。魚肉不會over done，切開仍然是滑的，味道確不錯。 甜品係risotto，又係分子野。 圖中奶油色的實情係打成cream狀的risotto,而橙味嘅foam上有橙乾。整個甜品很清新，很有秋意。最好係撈左食，如果唔係只食risotto個cream太淡。 最後追加個甜品—白兔糖。 望到佢面頭白兔糖層紙，真係能夠帶出童年回憶。（哈哈）佢將白兔糖溶左制成奶凍，奶凍的白兔糖味不突出，只能隱約食得出。配酸酸甜甜嘅野莓醬很討好不嗜甜嘅我（綠色外圈係薄荷醬）。 佢嘅食物賣相好靚，味道不錯，特別欣賞佢嘅甜品。環境方面，係我鍾意嘅style，較為闊落，滿分。 提一提大家，菜單款式不多，唔知幾時會轉一次menu，位置又有少許隔洩，所以短期內不會回頭。不過作新菜色嘅試點也不錯！ 談風：vs：再說 (牛頭角) 地址: 牛頭角觀塘道316-318號志聯工廠大廈10樓B號舖 價位: $200/person 添食指數: 7/10 原文取自Instagram: hkfoodrover
