去過呢度不下三次。 小小嘅西餐廳開業不算久，麻雀雖小但五臟俱全，店內有個open kitchen，十來個座位，鋪門口位仲有啤酒筒斟下生啤。第一次試食時，佢仲未有生啤，今次黎得緊係啤番杯。 當晚同在場嘅老闆娘、廚師打下牙骹，一齊睇電視，好似屋企食飯咁。 其實人就係咁，食物未必要最好，反而食店店員帶俾自己嘅感覺係好加分，志在食得開心麻。 佢地成班人係夾band架。 雖則店細細，但係佢嘅食物並唔可以睇小。 點了羊架及三文魚扒兩個course。 個羊架夠香夠juicy，唔酥，above average。其實呢，本人甚少試魚嘅course，但係老闆娘推介個三文魚扒無叫錯，有驚喜。煎香了魚的外層，切開後魚肉仍然保持鮮滑，唔會overcook，加埋salsa醬，個味好醒胃。 個人好喜歡呢度好cozy嘅環境，經常到每晚夜市尾聲，老闆娘嘅朋友就會聚埋係度。What a dream place. 除左環境、味道同服務之外，仲有個重要因素——有fries with truffle sauce。呢一點就變左吸我番去嘅黑洞。 P.S. 我係會因為經過而同老闆娘傾計，繼而不自覺咁入左去食野。哈哈。 3 Time (元朗) 地址:元朗鳳攸北街5-7號順豐大廈地下4號舖 價位:$150-$250/ person 添食指數:8.5/10 原文取自Instagram: hkfoodrover
