本想去Ham & Sherry，但因當晚full house，waiter話可以去佢地背後隱藏嘅secret bar。 叫我行入條有d陰暗嘅後巷再尋找侍應所講嘅有“有個鎖匙窿嘅門“。 入到去見到原來係同 Ham & Sherry相隔一塊單面反光鏡，姐係可以睇到人，人地睇唔到我。(見下圖) 同樣可以order Ham & Sherry 嘅食物, Tapas 為主，chill place with funny menu。(小學九因歌果本簿仔，仲要本本都有不同的扮小學生塗鴉。) 食物屬小份，適合把酒言歡，非飽肚類。 Ham & Sherry的food menu，選擇其實不多。講真本人英文未到家，對住個menu只能估估下，好在有bar tender教路。 此圖為佢介紹的惹味小青椒。 咪聽到青椒就“咦～我唔鐘意佢陣味架！又辣。” 因為我當時就係咁，哈哈。 最後，當然係俾佢surprise到啦，一d都唔辣，調味料令人更容易接受佢嘅椒味。 送酒之選！ 大家可以一試。 將兩款cheese加熱令到佢溶溶地灑少許肉醬係面，客人可以酌量搽在麵包之上。 個人享受芝士嗰種“咬不斷，理還亂”的感覺，濃濃芝士味配埋麵包一齊食又唔會咁滯。 之後睇番openrice先知可以追加麵包。 食埋呢個，即刻覺得個bar tender無昆我。 所以，當晚嗌嘅cocktail都只交代自己喜歡嘅味道，由佢黎諗點溝。 (係我鍾意我fruity style) 地址: 香港灣仔船街1號 價位:$300-400/位 添食指數：7/10 (略貴) 原文取自Instagram: hkfoodrover
