讀緊Form 3嘅你即將踏入高中，覺得緊張、迷茫係好正常嘅事。 小編認為揀科最重要嘅三個考慮因素包括：出路、興趣、能力。 小編 hkdsegayau 喺呢篇文章就會逐一解釋詳細嘅中三選科策略。 1. 興趣 興趣十分十分重要。 有啲科你冇得揀：就好似中文、英文咁一定要讀，你一定要學好文言文、DSE 中文卷二技巧。 但係嚟到揀electives, 唔好因為屋企人想你讀某某科、大家都讀某某科而跟住讀。 高中三年，要對住一科你唔鍾意嘅科讀三年，你會讀得好辛苦。 況且小編覺得，你有興趣讀先會有動力去讀，先會讀得好。 2. 能力 除咗興趣之外，同學亦都應該考慮埋能力嘅因素。 舉個例子，同學數理方面麻麻、討厭數字的話，小編唔建議你讀物理, 因為你會讀得好辛苦。 另一方面，討厭背書嘅你就唔應該讀中史、歷史、生物呢啲科目。 小編未揀好讀咩科嗰陣，都上網搵咗啲 DSE Past Paper 資源 嚟睇吓每一科嘅考試難唔難，之後先決定讀邊啲科。 (仲記得小編嗰陣諗緊讀Bio定Englit好，睇完啲Englit pp覺得好難、睇咗 DSE Bio PP 覺得還可以，所以揀咗後者~) 3. 出路 條條大路通羅馬，小編認為嚟緊要選科嘅你唔需要過於擔心呢個問題。 有興趣/可能/唔排除會讀理科、醫療學科嘅你可以先讀住化學或者生物嘅其中一科、或者兩科都讀曬先。 如果你十分討厭科學，又好肯定自己大學唔會讀理科的話，你可以放心揀高中唔讀理科。 原文：https://hkdsegayau.com/form-three-subject-selection/
