三月就快考 DSE 嘅時間話長唔長，話短唔短... 每日應該點樣分配讀書時間？ 睇睇呢個post睇吓小編 @hkdsegayu 點講! 首先，小編會將每日嘅時間分為大概三個時段：早、午、晚，並因應每個時段嘅精神狀態，按每個時段嚟做唔同嘅事。 1.第一時段：早上 8:30AM - 1:00PM DSE嘅筆試都係由8:30AM開考，同學應該善用三月呢段時間，調節身體嘅生理時鐘，令自己習慣考試嘅起身、操卷時間。 呢個時候同學可以每日起身用少少時間梳洗，食完早餐，然後8:30AM就要準時坐喺書枱面前，計時做一份DSE Past Paper，對完之前再做多一份，因為DSE考試會連考兩份卷的。 點解1:00PM先食lunch？ 小編平時消化力好差，但係偏偏考試嘅時候就會成日肚餓，有時候考考下試肚餓嗰陣，就會專心唔到， 小編觀察過DSE大部份日子嘅考試都係12:45PM或者1:00PM等等嘅時間完結，所以建議同學習慣一下1:00PM先食lunch。 Lunchtime: 1:00PM-2:00PM 第二時段：下午 2:00PM - 4:00PM 呢個時候小編會選擇溫書（溫一啲未熟嘅科目）或者操卷（基本上成個study leave嘅重點就係不斷搵 pp, 例如係上網搵 DSE BAFS past paper下載，之後做卷）做完兩個鐘之後，可以休息30分鐘，睇半集美劇、食吓零食、瞓個晏教都好！ 4:30PM - 7:00PM 如果同學覺得自己未厭倦休息之前溫緊嘅科目，可以繼續溫嗰一科，覺得悶的話可以改為溫另一科。 Dinner + 休息：7:00PM - 8:00PM 第三時段：晚間 8:00PM - 10:00PM 因為語文要keep住浸先唔會退步，所以小編習慣每晚都浸一浸自己嘅語文底子。 小編會做嘅係： 一份中文閱讀卷； 一份英文閱讀卷；或 兩個鐘內不斷做文言文練習 詳細內容見全文：DSE溫書時間表
