有一晚翻完教會之後搭巴士翻屋企，點知係巴士上訓過頭，遲左2個站落車 落左車餓餓地，就睇下十一點幾，黃金附近仲有咩食先∼ 自從日頭翻多份工之後，就好少去黃金果頭，今次一去見到新開左一間十八座狗仔粉，就即興入去試下 我今次叫左一碗細狗仔粉，同翅滾火鴨脾 90後的我真係唔講唔知，原來狗仔粉係懷舊的街頭小食，用粘米粉搓成，因為頭尖尾尖，像唐狗尾巴，故稱狗仔粉。 以前的狗仔粉是窮人的恩物，現在一碗細的狗仔粉都要$22，唉~ 價錢好似代表唔到貧窮，但你食過就知，認真抵食!!!看似只有菜脯，冬菇，葱的狗仔粉，湯底竟然如此濃，如此鮮，跟伴菜一齊食，有如虎添翼的效果~ 火鴨脾有分上脾，下脾。我今次叫左上脾。火鴨味濃，但可能因為用翅滾，肉有點難咬，所以要食的話就要犧牲下食相la!! 火鴨脾都唔算最正，最正係d翅，因為用火鴨炮製，濃濃的鴨味已經滲透到翅裡，所以呢度的翅，同出面食到的翅，味道唔一樣。 十八座狗仔粉真係幾好食，而且富有香港特色，真係抵佢打出名堂!!
