光陰有限，經歷有限。於是，我們都愛閱讀，藉著文字隨意闖進無盡的世界，從其他人的筆下探索未知的領域。 係22°North，有人搞左一個以書易書的活動。我最近雖然好少睇書(其實我同時睇緊3本書，不過進度永遠都停留係「睇緊」的階段)，之不過以書易書咁有意思的活動，當然要去睇下la!! 以書易書，即係客人帶同一本書藉，就可以以一換一的方式交換，帶走你想要的書籍。 今次活動還鼓勵你用一張紙條寫上你閱書後的一些啟發和一些書中的金句。 我係屋企揀左一本保存得最好，而且內容精彩的書出黎換並用紙條寫上：「人性很現實，但理實存在的，不只是人性。」我認為換書唔止係在於獲得，而同時在於分享，將你最好的書分享出去係一種祝福。(來找我的書吧！) 我帶的書絕對係好書 本身想換的書是湊佳苗《告白》，但不知怎地，到最後竟然俾人搶先一步，最後只好換佢另一本作品《往復書簡》番黎la。 不過唔係本本書都岩換ga!!色情/黃色小說，雜誌，教科書，漫畫就唔係咁適宜帶去換la!!要帶就最好帶小說，歷史書，旅遊書，科學/經濟書la!!! 係咁文藝的地方仲可以飲番杯咖啡，飲氣氛都抵la!!! 你，仲唔快d帶本書去，同其他人分享閱讀的喜悅la!!!日期到4⼃ 地址：深水埗南昌街88號1樓
