鴨寮街一年旺足三有六十五日,平日行鴨寮當然係買電子產品la!!夠平夠多款ma!!但唔知你知唔知,初一二三,d鋪頭關晒,但仍然好多野睇,因為會有好多人「擺地攤」。 鴨寮街平時賣的係電子產品,新年果陣賣乜?咪就係乜都賣lo!今年我去的時候,我見有人賣古玩,懷舊物品,茶餅,日用品,玩品,舊相機,二手cd,銀包皮具,爛銅爛鐵等等。有好多物品都係冇標價,岩晒香港人練下點講價la!!! 今年我行左一圈,見到有一部背囊咁大的電話,李小龍死亡遊戲的海報,仲見到相機同iMac 的祖先!!! 點擊圖片放大 +3 可能對你來說,未必搵到你想要的野,但你行一圈,就好似走一轉博物館咁,大開眼界。