Ex係每個人心目中地位都唔同, 好多人都有心郁郁想見返, 尤其係飲醉左嘅時候, 而且果段時間未有拍拖, 真係好想好想SMS佢, 或者打俾佢。 而分左手之後一段時間, 佢試過搵我: Do you wanna meet up? X 不過唔知點解自己恨下心腸, 完全無回應EX, 雖然好想見! 可能我知道就算係見左都唔會有再一齊返嘅結果。 ---------------------------------------------------------------------------------- 不過最近係朋友口中知道佢就快要結婚, 我即刻登入面書, 睇吓佢未婚妻係咩樣...我心諗: 佢又唔係靚, 有咩吸引到佢呢? 跟住我就自己安慰自己, 可能個女嘅好叻好好人等等... 總之搵一個下台階俾自己, 令自己舒服啲, 因為個心都有少少酸溜溜嘅感覺。 有可能出自少少妒忌, 會有一個好奇怪嘅想法: 睇你幾時離? 雖然係好賤, 我都控制唔到。
