原文連結： https://hkdecoman.com/article/53505【本文章轉載自裝修佬 - 一站式網上裝修平台】恒安工程的辦公室位於葵豐街的工廠區，未去過的人或會聯想到又舊又暗又骯髒的地方。畢竟工廠就是這種印象吧？來工廠區上班的人，放飯也只能到茶餐廳享用廉價食物，不值得開社交媒體紀錄的平凡日常。所以，工廠才會成為臥虎藏龍的地區，所見的人盡是實務實幹，站在前線奮鬥的戰士。裝修佬都是這樣。別誤會，其實Michael的辦公室裝修得十分體面，果然是幹這一行的人。事不宜遲，讓我們了解一下養了兩隻貓的裝修佬吧！成為裝修佬的契機？“我2002年畢業，讀測量出身，第一份工同打雜無分別，乜都得我一個人做，但有好多野唔識點做，不過無人教，整個部門得我一人。你問我上司去咗邊？運氣好先會見到佢。”當年Michael初出茅廬，白紙一張，但無人指教。“如果我上司返來，我一定會問佢好多野，因為我唔想做錯。如果佢唔得閒，我就等佢去廁所時跟埋一齊去……問問題。”但也不是每次都能找到答案，所以有時會出錯。“做得唔好？比人鬧囉，鬧完就會知道點做。”剛投身社會，毫無工作經驗，難免要挨一點苦。挨了幾年，Michael抓緊機遇跳到大公司做測量，終於有點尊嚴。“嗰陣前景好好，覺得自己似返個人。”但，當時有熟人看見Michael是個不該寄人籬下的優秀戰士，便建議他自立門戶接單搞裝修。“呢位拍擋有同我解釋過，佢話我熟工程又有師傅人脈，無理由每個月等出糧。”此話意味深長，年輕的Michael亦覺有理，但推動他開設公司的，並非賺錢和做老闆的野心，反而是想接觸未知領域的好奇心。“於是我好大膽……跳咗出來開公司。”搞裝修以來，有冇好難忘嘅事？“試過比人屈我做錯野，就算最後冇事，都好唔開心。”Michael定會搞清楚應該如何處理每一件事，因為他不願意得失客人。“當初係屋主決定個櫃要點做，但之後，屋主個女話我做錯野。師傅好無奈咁問我點搞，唔知點收科，火藥味好濃。”幸，Michael找到過去的對話紀錄，幫師傅洗白。“呢啲情況經常有，所以我會好謹慎，雖然我都唔想咁煩。不過，有啲客可能會為咗慳一百幾十，好比心機去搵Defect或者其他理由，只為扣我錢。”連對話紀錄都有，搞到像是落口供一樣？“我要保障我公司，最好嘅方法就係有證據在手。裝修雖然不是一件好複雜的事，但總有人會搞到似是“詐騙角力”戰。”“現在有裝修佬平台就比較好，而裝修顧問對我們這個行業都好有幫助。”剛剛看見你和師傅鬧交，發生什麼事？“我地只係針對件事而作討論……你覺得似鬧交？（笑）”Michael負責和客溝通，師傅聽取Michael的指示，就是這樣簡單。“我要求高，而且我會不斷提高標準，簡單講就係想做好啲。點解？唔需要解釋啦，我想維持競爭力。香港咁多公司，我唔可想落後任何人一步。”你覺得自己最大賣點是？“我會好鬼認真由頭跟到落尾。啲手足見到我對自己咁嚴，都唔敢偷懶啦。”裝修佬雖然工時長但都有休息嘅時候，你平時會做啲乜？“你見我養兩隻貓，你估下我平時會做乜囉？（笑）”“有時會研究啲新進建材，例如鋁質石、珪藻土之類，希望將多啲好野帶比客人。有時師傅問起，我都識嘛！”作為裝修佬最想做到的事？“裝修很難定一個標準，所以這個行業至今依然令人感到難以捉摸。”“香港樓價咁貴，業主一定會膽心裝修出問題。我希望可以幫業主們諗多啲，做好啲，令香港人多返啲笑容。”點解一單裝修工程很難定一個標準？“因為裝修涉及太多人手，好多工序。要全面標準化，例如將啲細則、條款、收貨標準等全部白紙黑字寫低……其實真係好難。例如，一張枱斜咗1度，客人唔滿意，要求做到完全平。你叫師傅去做，實際上……真係做到？好多野唔可能完美，涉及人手做嘅野更加唔可能，即使機械都唔可能……”“我每日都會研究如何提高收貨標準，我不希望客人會因為有任何地方做得不好而感到不快。真係有事嘅時候，其實都係要靠人性化溝通。”很多人，或會覺得裝修是一堆工序，只要跟足指引，就不會出錯，任何人都能做得好。“裝修，所有野都係人手搞，人有唔同心情、唔同性格、用唔同方法去做唔同嘅事……除非所有人都係跟同一個師傅。（邊有可能啊）”人始終有個性。“不過講到尾，我最想做到嘅事其實好簡單……就係做好每一單裝修，我鍾意見到啲人開心笑。”“因為我會覺得，我沒有白費心機。”本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。關键字： 裝修佬; 裝修; 故事;
