入行三十載的陳師傅，他已是有兩位出師學徒的老師傅。他回想自己跟表哥做學師的過程，猶如職人電影裡一個個刻苦耐勞的畫面，「做學師？咪由掃垃圾開始囉！哈哈！每日做完手頭上嘅嘢，先可以開始跟師傅學，黐下皮，釘下線，所有嘢都有學，但木器就最拿手啦。」熱愛木工 勤奮才能兼備「問我鍾唔鍾意裝修？鍾意！以前做學師嗰陣，人哋收晒工，我自己會做多兩個鐘，自己整下櫃整下嘢。」陳師傅最拿手木工，每天工作也花額外時間練習，平常三至五年的學師和中工訓練時間，憑著他的勤奮和才能九個月便出師了。陳師傅對木工，裝修的熱愛，來自簡單樸實的理由。「我好熱愛呢一行，例如俾將圖你，你做出黎靚，會好自豪㗎嘛，有成功感，尤其特別難做嗰啲。」樸實無華的木材經過陳師傅的手藝變成了美好的作品，興奮地娓娓道來他一件件滿意的作品。細心是木工條件 全神貫注建造溫馨家居有才能的木工師傅，有甚麼必要條件？「真係細心最重要。地盤十個師傅，九個半都唔細心。但『鬥木』爭一個就係差一個，差1mm都唔得嘅，就入唔會個位，所以做木工細心係最重要。」。一入工地陳師傅就進入無人之境，八點直踩到五點半，全神貫注建造每個客人的家居。「基本上一入地盤就要帶埋個心返工，冇得唔細心，所以我一出地盤，成個人就鬆晒，真係㗎！」裝修工期收窄 懷念厚實建材三十年工地生涯，看著裝修行業物換星移，他感嘆裝修的變遷。「以前同而家嘅裝修好唔同，以前做一兩個地盤就過年，現場做櫃做門，所有嘢都現場做。而家個工期短，就會好急，批貨黎到嗰頭就話要起貨，而家傢俬一個月乜都搞掂，因為多用現成嘛！手工都要快好多。」「不過我可以理解，而家人工貴咗，樓貴咗，一般人買層樓都用晒啲錢，基本上裝修費用都握得緊。我用印尼板你用大陸板，個報價當然你平好多，見個價平咗個客自然揀你，但個客唔知你用咩料㗎嘛，就算用啲垃圾板夾埋夾埋做，個客都唔知，但兩三年後就跌落嚟。」裝修講誠信 只為客人生活便利「所以裝修公司最緊要有誠信，同埋係裝修嘅過程唔同小細節都要提個客。有啲客提出嘅嘢其實係唔方便嘅，佢地未必知，我哋知就要提佢。為嘅都係方便佢嘅生活。」陳師傳接過不少酒店工程，但始終最愛家裝。「家裝有時做個特色天花，現場又同個客做下啲新嘢，靈活性大好多，完成得到，又有自豪感。仲可以幫個客諗埋點善用空間，呢啲我哋有責任㗎嘛！」雅緻舒壓方法 假後又是裝修好漢面對一份工作，任誰都有過厭倦的時刻，陳師傅卻有雅緻的舒壓方法。「有時會好厭，好想放個大假，嗰時就會爬下山，聽下蟬聲。啊，我而家仲有養蜂，定期去揀下睇下，個人心境就會唔同晒。」與太太渡過一個健康又雅緻的假期後，又是一條裝修好漢。師傅責任重大 傳承勤勉精神從前是表哥的學師，多年後也成了收徒弟的老師傅了。「教人要有好大責任心，收學師你要教佢㗎嘛！你唔教佢，例如開界床，驚佢出事㗎！教得佢你就要有責任教好佢，冇心教佢，佢出嚟等做咕喱，無謂啦！要做不如我做咕喱，我有時搬埋嘢俾啲學師做。」陳師傅覺得自己的徒弟什麼時候能出師？「我覺得佢可以我咪俾佢做，兩個徒弟都跟我三年幾，我見到佢全部都識，ok啊，同佢哋講：咁你出去做下啦！之後就冇返嚟啦，三催四請都唔返嚟，好衰，不過咁咪證明佢哋有料囉！哈哈！」「下一個徒弟？咪我個仔！學咗幾個月啦，佢有心做我就有心教！」陳師傅的笑聲中道出了對徒弟們的溺愛。三十年前開始由動手為客人建造到溫馨家居，今天以更闊的模式把這份活力和勤奮傳承下去。想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。原文連結
