仲未諗好weekend有咩活動? 不如考慮下11月28日由香港建築中心舉辦的《建築x開飯》活動吖。當日活動包括講座及2個工作坊。緊接《建築x開飯》講座之後2個工作坊將同步進行一個種嘢，一個煮嘢，如果你2個都咁想玩，就唯有叫埋你朋友嚟，一人參加一個，之後再分享返各自嘅資訊，分工合作。事不宜遲，即刻介紹下2個工作坊玩d 乜。 《低碳烹飪共食工作坊》：名額20-25人 真正嘅「不時不食」，此有機素食工作坊是直接取材自GreenHub 內的有機農圃，真正做到，一摘下就煮嚟食。Green Hub 首席廚師表示：「一日未到工作坊當日都未知有邊d食材最適合拿來煮。」只能夠話俾大家聽，到時嘅菜單將會係：前菜、湯、主食、甜品同埋一個有舊大埔警署味道嘅小吃。4道菜都係百分百用本地有機種植食材加低碳烹煮方法，而該小吃則由年青建築師one bite of life 帶領設計，充滿建築元素。 《有機家居共耕工作坊》：名額40人 「每個人家裡都有一個...向光位？」由不同機構捐出大量可升級再造的物資，再由archi-platform 年青建築師親自帶領設計，加上魚菜通主理人TS親自傳授家居食物種植技巧，誓要將每家每戶變成有農產嘅地方！升級再造物資包括：紅酒木箱（很適合種菜用啊），鐵罐，膠樽等可讓大家大展拳腳，發揮創意！大家可以將屋企嘅1.座向，2.窗口位置，用影相或平面圖嘅形式，在工作坊當日帶到現場，各建築師將施展渾身解數，為大家度身設計最適合嘅各自家居種植裝置及安裝方式。到時候大家記得帶個超大嘅環保袋，將做好嘅裝置帶返屋企！ 名額有限，要報名就快喇！ https://www.facebook.com/media/set/?set=a.761971293912678.1073741920.189357684507378&type=3
