好多人到布吉只知道芭東附近有好多抵食海鮮 今次就等筆者介紹大家去一間中上價格, 而又好多香港人幫襯既泰國餐廳 LOTUS RESTAURANT 餐廳既位置係 Laguna 區, 地點就唔算方便. 最方便既去法, 一係自駕, 一係就住 Laguna 區酒店, 由 Lotus 安排免費接送. 如果各位於旺季去布吉, 又想座海邊位睇日落, 記得提早book抬, 因為餐廳常滿!!! (Book抬可以上佢官網 www.lotusphuket.com) 講多無謂, 美食冇得食, 有得睇! 送相~~~~~~ 一望無遺既海灘 (免費) 前菜: 生蝦刺身 (約 THB 200) 生蝦下面有苦瓜, 辣椒, 蒜頭. 筆者同好多人一些, 對LI三樣野都冇乜好感, 但係當我將所有野連埋隻蝦放入口, 又真係幾和味. 前菜: 炸蝦餅 (約 THB 200) LI個蝦餅算係筆者係布吉試過, 第二好食既蝦餅, 水平當然遠超芭東水平, 唔會好似香港D餐廳咁實, 口感鬆D, 唔會魚蛋FEEL 湯: Ton Yum Guong (約 THB 250) 都係布吉試過既第二好飲, 叫既時侯waiter會問你飲唔飲得辣, 我地叫左normal, 結果冇想像中咁辣. 之但係, 足料就一定足, 起碼有4隻爽口大蝦, 絕對抵食. 主菜(第一天): BBQ虎蝦 100GM X 4 (約 THB2,200 /KG) 爽口彈牙, 去布吉必食, 多汁有膏, 相對龍蝦又貴又大頭, 虎蝦絕對抵食, 每一口都係肉, 正! 主菜(第二天): BBQ虎蝦 300GM X 2 (約 THB2,500 /KG) 海鮮LI家野, 有時真係好睇運, 今次去布吉食左 3 次LOTUS, 只係得一次食得番 300GM 一隻既巨蝦, 另外兩次一次就係上圖100GM, 一次就係250GM. 記得簡蝦一定係愈大愈好, 爽口多汁既程度, 300GM 比 100GM好唔止 3 倍的! 主菜2: 菠蘿炒飯 (約 THB350) 賣相, 味道都係一流, 唯一既係, 始終都係菠蘿炒飯, 冇驚喜 甜品: 芒果糯米飯 (約 THB 150) 甜品有時真係幾樣子決定命運. 一開四既設計, 好食既芒果加糯米, 食飽都仍然可以食. 希望大家喜歡! 下次再介紹其他地方! XD
