這是第3盒勇者王。其實先前聽過很多CHING說，這一款「災情」相當嚴重，也曾想過不如不收。不過，故事都是類似，因為有一些回贈金，看到日元「又」跌價，所以就忍不住入手鳥。特別要提到「又」，係因為上次分享勇者王時，做了「燈」，說日元可能會上返7算，結果......今時今日更平！無論如何，呢雙喺香港街價最平做過1000左右......咁係因為斷腳災情真心係嚴重。不過，呢個價都係好快無晒，我猶豫咗一陣就無，然後而家仍然見到都要1400以上，比我喺日本網站入手都係貴咗啲。買唔到最平，唯有當買日版。講返災情，固然B財團設計係有問題，但太大力扭錯都唔話無解，起碼我郁過啲關節，係正常力可以搞得掂。當然，其實都有唔少CHING分享點做。我就無謂班門弄斧，抄返段新聞：「超合金魂GaoFighgar斷腳災情解決｜GX-104勇者王劈價1800入得過嗎 | 」(https://www.hk01.com/article/932245?utm_source=01articlecopy&utm_medium=referral)。) 入面有圖，都幾清楚教點玩先唔會有事。勇者王係想有齊嘅系列，之前首出時錯過咗，所以唯有二手慢慢補返。講起，其實隻超龍神都入咗，遲啲到貨兼得閒再分享。但話說回來，Pose+都有出，只係我個人唔太接受到魔改。當然，更接受唔到個價，惟有繼續賣血畀B財團(雖然係「二手」入，但都算係前人輸血我同佢補血啦)。T.T(啲相有啲頭已側，但搞咗一輪，搞唔掂，都係由佢......)以下附上我嘅推薦碼：jhyqcSKF4B。用呢個推薦碼，可以有回贈金，齊齊有着數。如想再有其他優惠，可以喺Facebook搵Funbid頁面同社群，有啲活動可以參與，同樣有回贈金。點擊圖片放大 +4
