最近見到LOST STARS LIVEHOUSE BAR & EATERY 7月開始逢星期二至四晚推出全新晚市套餐，除咗送一碗餐湯同埋無酒精飲品之外，仲可以用優惠價換小食或者甜品🍰，咁樣去食晚飯真喺抵食好多🤪 菜色充滿中西日元素，有唔同新穎嘅食材做各式各樣嘅配搭，相信每一道菜都喺獨一無二😎 ✝️Lost Stars精選小食拼盤 $268呢個拼盤有手工白啤酒漿炸牛油果條、 成舊上嘅蜜糖布利乳酪🧀️、墨西哥香料烤虎蝦串、魷魚串同單骨棒棒雞。炸牛油果條都喺第一次試🥑，估唔到香脆得嚟脆炸咗又幾好食😍； 魷魚爽口惹味🦑，烤得好香，調味控制得唔錯👍； 棒棒雞更加酥香吸引，仲有幾款自製嘅醬汁比你蘸，真喺一個晚餐嘅好開始 ✝️自家製杜松子鴨油慢煮法國鴨腿 $358慢煮嘅法國油封鴨腿鴨皮比油炸嘅仲炸得香脆，食落有啲似脆豬嘅感覺，而鴨腿肉比燉煮嘅仲要軟腍同嫩口，鴨脂香濃而不膩，兩者脆同嫩嘅強烈對比顯出大廚功架👍，另外仲有用無花果、蜜柑、橄欖、合桃，同加咗米蘭18個月黑醋整嘅沙律🥗， 配埋鴨腿一齊食大大減低油膩感覺，賣相都靚啲🤩 ✝️開心果及酸奶油香烤日本鹿兒島茶美豚肉眼扒 $288豚肉眼扒熟成比例接近完美，雖然唔多肉汁，但肉香突出，加上面頭嘅酸奶油、香脆腰果同開心果，仲有底下用咗蜜糖芥茉子醬輕輕煮過嘅珍珠洋蔥同法國栗子🌰， 多重口感同味道組合夠創意又夠好食，真喺令人食唔停口 ✝️法式焦糖燉蛋配愛爾蘭奶油利口酒及雪糕 $118平時食焦糖燉蛋除咗會留意焦糖面整成成點之外仲有蛋香夠唔夠出、蛋夠唔夠滑，其他一向都無咩特別，不過呢到愛爾蘭奶油利口酒嘅脆餅同牛奶雪糕🍨，三樣撈埋一齊食令燉蛋嘅香味提升，食落涼冰冰而且層次口感大大昇華，咁嘅combination真係值得一讚👍 ✝️VIC Garden - French Earl Grey Lemonade $98獨創嘅VIC Garden，用澳洲玫瑰花茶葉，加入冷製釀造方法，製成呢杯無酒精雞尾酒🍹，飲落清香好fruity，有陣陣玫瑰花香🌹，不過伯爵茶味就若隱若現唔太出 ✝️Happy $98Happy用咗荔枝、青瓜、西柚同Tonic water調製，飲落以青瓜清甜為主🥒，後而飄出淡淡荔枝甜香同西柚嘅酸甜，加埋tonic water變成有汽嘅mocktail，配埋呢餐晚餐真喺一流😆
