今年農曆新年正正係札幌雪祭，打工仔嘅你，只要爭到拎假，基本上拎2日假就已經去足9日trip。以下呢兩個日子記得book mark，個人認為嚟得札幌睇雪祭，點都要去埋小樽雪燈之路先至夠完美。 札幌雪祭大通會場：4-11/2/2018 小樽雪燈之路：8-17/2/2019 網上已經有大量雪祭介紹，所以今日要講啲平時啲blog未必會提嘅嘢。 大通會場每年都有一個大型主題嘅大雪像，當全世界都衝埋去影相嘅時候，其實企遠啲影先最靚 雪祭都要視乎天氣，就好似呢年當日氣溫回暖，薄野會場部分冰雕溶咗，所以如果落機行程又岩，就先去打卡先喇 平均零度以下，亦有機會低見零下9度，所以除咗人要保暖外，電話同相機都要預備暖包，否則電量好快會冇 正正係天氣咁凍，所以如果要雪野飲，可以打開窗幾分鐘就ok 大風雪期間，記得預留比平時多一倍嘅時間嚟拖喼 行路時盡量小心頭頂 寄postcard盡量去郵局寄，因為…… 喺小樽雪燈之路嘅手宮線會場仲會有熱湯同燒年糕免費俾大家品嚐點擊圖片放大 +2 札幌有大量酒店或旅館，Book酒店時，盡量選擇近市中心或喺地鐵站/火車站/地下街出口附近，因為喺大風大雪期間，實在喺戶外係頂唔順嫁！ 以下有幾間喺雪祭期間住過： 札幌登峰酒店Ascent Inn Sapporo 喺正東札幌站出口，坐鐵路去大通公園只須12分鐘，間房仲幾闊嫁！ 札幌APA 酒店 喺狸小路同大通公園中間，步行幾分鐘就到，附近已經係札幌市電，方便到不得了 札幌膠囊旅舍Capsule Inn Sapporo 呢間膠囊旅舍喺札幌狸小路橫街，直情係喺薄野會場樓上，呢啲咁凍天氣下，飲完野或者行完街就最方便喇！仲有浴場免費浸下嫁！ 點擊圖片放大
