幸運手繩、送你一支花、扮售票員幫你買車飛扼錢、睇完表演影完相要俾錢、簽完名支持環保即刻要俾錢等等等等。。。 唔少blog都有好多錦囊提大家喺歐洲小心扒手，呢度以下幾點可能重複，不過都係個人經歷，不防book mark提自己或者朋友，尤其係打大佬去歐遊獨遊嘅你同我！ 1)坐火車所有野跟身，盡量少去廁所，長程車唔訓教實在難頂。如果喺總站，早少少上車，用鎖鏈鎖鏈住個行李喺行李櫃就放心啲喇 2)坐地鐵唔好近門邊，聽講喺羅馬metro嘟嘟嘟close the door嗰下，就會有人一嘢拎走你部電話，再衝出架車，當有反應嗰刻，sorry車已開 3)住hostel 要記得帶鎖，要預大少少勾住個櫃 4)去到酒店望下緊急通道，仲要擺電話電筒同證件喺身邊，包括沖涼嗰陣，試過沖沖下突然停電，一粒燈都冇 5)廁所燈唔好熄，臨訓前一定要check晒門窗已鎖 6)有時2個人一間房，得一張門卡會好煩，一係問酒店拎多張門卡，再唔係拎定卡片，冇用嘅卡或者紙皮插住門卡位（有部分係電子感應就冇計喇） 參考<<呢度>> 7)一個人獨遊，盡量天黑前返到住嘅地方附近，始終唔熟個地方，唔好太博 8)啲錢分開擺…擺身…擺行李…擺銀包…擺暗袋…最好係放腰嘅money belt，大吉利是俾人偷嘢或者搶嘢都好，起碼仲有少少剩呀 9)夜晚盡量行大街，唔好行小路，行馬路邊雖然多啲人氣，但都要小心電單車搶嘢 10)夜晚行街盡量每1分鐘望一望後面 11)獨遊聽歌盡量只聽一面耳仔，有咩事起碼都聽到聲先 12)盡量扮窮，姐係唔駛將屋企最貴啲嘢拎晒出嚟著，越光鮮越係目標 13)背囊擺前面，雖然係核突啲，但試過好多人一擺後面就出事，始終佢哋行動好高招 14)證件一定要跟身，唔好擺夾萬，的確科技係可以令到人好輕易開你個夾萬 15)盡量唔好比相機古怪嘅人影相，有人試過一交手叫人影相就俾個人跑走咗，機事小啲相事大呀，如果真係要搵人影，可以叫亞洲人幫手，出事風險冇咁高 16)衣著光鮮未必一定好人，上次喺巴塞俾一個褸住Gu池圍巾，拎住LV手袋，再戴住黑超嘅外籍人士（鬼婆易明啲）伸手開咗個袋 17)因為航班時間，小不免會逗留喺機場或者訓機場，部分小型機場係偷野聖地，好易訓得著嘅我，就直接將行李連埋隻腳喇 18)大肚婆同小朋友一樣要提防埋身，佢哋未必係偷嘢嗰個，佢哋有機會係負責分散你注意力嘅一個，試過大肚婆問路，或者幾個小朋友一齊喺身邊轉圈玩同表演，呢啲情況...高危呀！ 去歐洲未必會遇到以上事情，而且有部分城市治安都幾好，有朋友同行就互相提醒啦！如果獨遊就真係要打醒12分精神喇！ 如果真係咁唔好彩俾人偷咗嘢，去警局可以睇呢度：去歐洲唔見嘢去警署報警是常識吧 岩睇嘅襟個LIKE支持下我呢個偽blogger啦！ Facebook: 離開是為了回來 (https://www.facebook.com/leavingisforcomingback/)
